| Luninița di la caplu a crizâlei |
| (2008-10-28) |
| Atea dit soni aspuneari: 2008-10-28 12:09 EET |
Ti deftura oarâ tu ma puțân di unâ stâmânâ, guvernatorlu a Bancâlei Naționalâ ali României, Mugur Isârescu, feați declarații ți au tu scupo s-u isihiseascâ duniaua ș-pi investitori. Dețizia vini dupu nâscânti șușuturlâchi mutrinda instabilitatea a nâscântor bănchi, ți feațirâ lumea sâ-ș scoatâ ma multâ pâradz ditu bănchi. Crișterli a pâhadzlor di primansusu, ti cari s-azburaști tutu ma multu u ascadu credibilitatea ș-li crescu așteptărli inflaționiste, dzâți guvernatorlu, cari li da di padi, unâ dupu alantâ șușuturlâchili. Ti exemplu, informațiili câ taha stogurli valutari ali Romaniei potu sâ as-bitiseascâ prit intervențiili valutari ali BNR suntu fârâ obiectu, tu condițiili tu cari aesti anvâlescu di ma multu di dauâ ori masa monetarâ ditu vâsilie. Banchili românești suntu multu ghini capitalizati, suntu multu vârtoasi, deadi asiguripseri guvernatorlu, cari feați timbihi câ, maca va s-iasâ tu padi câ declarațiili panicardi falși yinu ditu instituții bancari, aesti potu ș-u chiarâ licența. Fârâ s-hibâ acutotalui afiritâ di crizâ, Romania nu itii sâ s-așteaptâ la efecti directi ali catandisi financiarâ globalâ greauâ. Putemu, ama s-azburâmu di efecti indirecti ș-maxusu di panicâ, sentimentu ți yini di nai ma multili ori di la nicunuștearea a fenomenilor financiari, dzâți guvernatorul BNR. Mugur Isărescu: Capitalu dit unâ bancâ nu poati s-hibâ scosu nafoarâ. Niți unâ bancâ ditu xeani, maca agiundzi s-aibâ problemi acasâ la ea, nu poati sa-și tragâ nâpoi capitalu ali bancâ, fundamentul pi cari s- thimiliuseaști iți bancâ. Ș- banchili românești suntu multu ghini capitalizatî. Gradlu di solvențâ ți puteț s-lu aflaț pi site-ul a Bancâlei Naționalâ u spuni tamam aestâ capitalizari a bănchilor românești. Noi avem capitalizari per media a sistemlui bancar di pisti 13% și ari bânchi, inclusiv di ațeali cari suntu mutriti cari sunt priviti ca avândâ potențiali problemi câțe suntu azvinturati idyili numi ș-tu exterior ș-tu interior - cu capitalizari icâ grad di solvențâ di pisti 14-15%. Dimi eali suntu multu sânâtoasi. Isărescu, cama spusi câ bănchili romanești au unâ solvabilitati ș-unâ lichiditati ți mulțâ li zilipsescu, di nai ma bunili ditu lumi ș- capitalu xen investit tu eali nu poati s-hibâ scosu nafoarâ niți cându banca-dadâ ditu xeani easti aguditâ di crizâ. Zburânda di intervenții directi di tora ali Bancâ Chentralâ pi pâzarea valutarâ, guvernatorlu preciză că aesti nu avurâ tu scupo ândruparea a leului, câ funcționarea normalâ ali pâzari, cari s-alumtă cu minări di cursu fârâ niți unâ loghicâ.
Autor: Corina Cristea
Armânipsearea: Irina Paris
|
2025-04-03
Print
Puteț s-avdzâț căndțido