Radio Romania International

Arhiva :

AMAREA LAII – UNU SINUR EUROPEAN?
(2008-10-20)
Atea dit soni aspuneari: 2008-10-20 15:16 EET Print
Zona ali Amari Laii reprezintâ unu conglomerat gheopolitic tu cari coexisteadzâ dauâ categorii di vâsilii. Tu prota categorie, intrâ aţeali cari s- vedu parti ali familie europeanâ şi euroatlanticâ, cum suntu România, Vâryâria, Turchia şi, au nâdii şi Ucraina, Moldova şi Georgia, şi cari s- declarâ ândreapti s-agioacâ uidusitu cu câftărli UE; tu daua categorie, intrâ Rusia, cari ş-veadi yinitorlu altâ turlie, ş-agioacâ dupâ alti nomuri. Aştiptărli a vâsiliilor ditu prota categorie, andicra di UE, suntu mări şi, ti aţea, şi politiţli a Bruxelleslui suntu activi tu reghiuni. “Regiunea alt Amarii Laie ari ananghi di disponibilitatea UE s-aflâ nali oportunităţi şi sâ s-implicâ ti ndridzearea unâ zonâ prucupsitâ icunomic şi stabilâ - declara, marţâ, ministrul român ti politica cu xeanili, Lazăr Comănescu, la seminarul “Amarea Laie, noulu sinur ali UE ” ţi s-ţânu Bucureşti. Elu sumcundil’ie câ aestâ reghiuni agiumsi unâ europeanâ unâoarâ cu aderarea ali României ş-ali Vâryârie la UE; tora, prinţipalili provocări ali zonâ Amarea Laie suntu ceareispsearea a conflictilor ingl’iţati, securitatea a căl’iurlor di transportu energhetic, dezvoltarea di nali proiecti energhetiţi, cum şi ligâturli cu Federatia Aruseascâ. “Amu nâdia câ Amarea Laie va s-hibâ maş ti şcurtu chiro sinurlu ali UE,” dzâsi Comănescu, aluzie la perspectiva a integraril’ei, cu chgirolu, ali Turchie, Moldovâ, Ucrainâ şi Georgie. Nai ma nalili evoluţii suntu Acâchisearea di Asocieri anamisa di UE şi Ucraina, cari va s-intrâ pi lucu anlu ţi yini, icâ dişcl’idearea ma mari ali UE câtâ R.Moldova. Pi di altâ parti, la Amarea Laie ari patru conflicti ângl’iţati:Transnistria, Abhazia, Oseţia di Sud şi Nagorno Karabah. UE ari nâdie câ, pi ningâ politica di viţinatâ şi parteneriatul strateghic cu Rusia, un altu mecanismu di cooperari, sinergia ali Amari Laie, tu cari easti şi Arusia, s-poatâ s-agiutâ la ndridzearea a aiştor fucurini di instabilitati cari, dupâ criza ţi s-feaţi tora ayon’ia tu Georgia, s-vidzu câ reprezintâ un piricl’iu alithea ti ântreaga reghiuni. Sinergia ali Amari Laie, iniţiativâ adoptatâ tu 2007, caftâ un rol mai activ ali UE, prit criştearea a pidimolui ti astindzearea a conflictilor şi prit participarea la misiun’i di monitorizari. Provocarea ali UE, dzâţea, pi aestâ linie, tu un mesaj pitricut a seminarlui di Bucureşti, ministrul francez ti politica cu Xeanili, Bernard Kouchner, va s-hibâ ataca frontalâ şi ânvâtuşearea, tu idyiul chiro, ligâturli bilaterali şi s-ânvârtuşeadzâ aestu format di cooperari reghionalâ. Autor: Valentin Ţigău Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International