Radio Romania International

Arhiva :

BĂNŢALI, ANAMISA DI CRIZĂ ŞI PISTIPSEARI
(2008-10-20)
Atea dit soni aspuneari: 2008-10-20 12:50 EET Print
86 tru sută ditu arada a român’ilor avdzără di criza financiară mondială, lucru ţi pari că easti tu un proţentu cabaia mari. Aestă easti ună ditu concluziili a unui sondaj di opinie, ndreptu di INSOMAR, avândalui ca temă evaluarea cum duchescu bănătorl’i, sistemlu bancar românescu tu contextul a crizăl’ei financiară internaţională. Ti cundil’ari easti să spunem că bănţăli ditu România s-hărsescu di pistipsearea a 53% ditu bănători, andicra di american’il’i, australien’il’i ică islandezl’ii, tra s-da maş ndauă paradigmi, canda ş-chirură tu mari parti pistipsearea tu bănţăli dit statili a lor. Tu simfunii cu ţifra di ma ninti, 28% ditu român’i pistipsescu că naima sigura metodă di economisiri a păradzlor easti dişcl’idearea depoziti bancari tu naima vărtoasili bănţă. Ş-tut ahănţă spun că idyea, ca sigurlăchi easti şi ancupărarea di bunuri imobiliare - tut 28% - şi aestă tru condiţiile tu cari criza di tora nchisi tamam di itia a surparil’ei creditlu imobiliar tru Statele Unite. Cu tuti aesti, ama, cabaia mulţă – 16% - spun că naima sigura easti s-ţăn’i păradzl’i acasă. Euro easte moneda tu cari 49 tru sută ditu populaţia ali Românie ari naima marea pistusini. Ama, mulţă di mulţă, ditu români – 40% - şi spusiră pistusinea ş-tu moneda naţională, leulu. Al’iumtrea, maş trei proţenti spun că au pistusini tru dolarlu american. Naima mulţă di atel’i ţi apăndăsiră, dimi 44%, lugursescu că actuala criză financiară va s-aibă idyili zn’ii tu România cu aţeali ditu alanti state europeani. Ună bună parte, dimi un cirec, suntu niheamă cama cu nădii şi spun că România va s-tragă ma puţăn andicra di alti stati europeani. Ama aproapea tut ahănţă lugursescu că statlu a nostru va s-tragă ma multu. Ari şi 6 tru sută ultra-nădăiişti ţi spun că România nu va s-aibă zn’ii di itia ali criză. Prezidentul a statlui, Traian Băsescu, nu faţi parti ditu aeşţă ditu soni. Aestă s-veadi prit călisearea a comunitatil’ei bancară ta s-apufusească un parteneriat cu guvernul, cu scupolu ti dănăsearea a zn’iilor ma s-hibă, a crizăl’ei economiţi mondiali ti România. El zbură, viniri, Bucureşti, cu guvernatorlu ali Băncă Naţională, Mugur Isărescu, ş-cu prezidenţăl’ii a instituţiilor di credit, a curi lă prezentă şi concluziili a aţil’ei ditu soni andamusi a Consiliului European ţănută ti chivernisearea efectili a crizăl’ei. Parteneriatlu ti cari zburam lipseaşti, tu minduita a caplui a statlui, s-agiută ş-ti băgarea tu lucru obiectivlu di adoptari di cătră România a monedăl’ei unică europenă, pruvidzută ti 2014. Nica lipseaşti spuneari că pistipsearea a român’ilor tu bănţă easti confirmată di ună importantă concluzie ali andamusi di Bucureşti, dimi că sectorlu bancar românescu easti vărtos. Textul: Mirel Rădulescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International