Radio Romania International

Arhiva :

TU ATENŢII : ROMÂN’IL’I DITU XEANI
(2008-10-15)
Atea dit soni aspuneari: 2008-10-15 11:53 EET Print
Dinitea a 2.500 di român’i prezenţâ, dumânicâ, tu localitatea spaniolâ Alcala de Henares, prezidentul ali Românie, Traian Băsescu, pricunuscu câ statlu român nu ari lucratâ câtu lipsea ti ândridzearea a problimelor cu cari s-alumtâ cetăţen’il’i a lui ţi bâneadzâ tu xeani: “Statlu român nu poati s-da apandasi la tuti problemili ţi li aveţ di itia câ, pi nivel guvernamental, avem ma multi structuri cari lucreadzâ ti român’il’i di iuţido. Voi s-vâ dau asiguripseri câ situaţia a voastrâ armâni unâ di priorităţli a prezidentului ali Românie şi va s-caftu susto a yinitorlui guvernu s-yinâ cu soluţii concreti, pi cari s-li implementeaz, ântr-oarâ dupu ţi va s-intrâ pi lucru , tu andreu 2008”. Băsescu dzâsi câ, tu condiţiili tu cari român’il’i ditu xeani pitrecu acasâ, cafi anu, 7 miliardi di euro cari u ândregu ziga di emburlăchi cu xeanili ali Românie, suma di 1,4 miliun’i di euro ţi u da chivernisea ti diaspora easti ici ţiva ”Pistipsescu câ statlu român prindi s-nu ma âl’i l’ia ân cicioari român’il’i di iuţido prit niândruparea a câftărlor a lor, câ suntu culturali, icunomiţi, di promovari ali Românie icâ di ânvârtuşari a bănâl’ei dinutru a comunitatil’ei di român’i”. Prezidentul ari criticatâ sertu turlia cumu lucreazâ consul’i român’i ditu xeani, a curi lâ bâgă stepsu di incompetenţâ şi di clientelismu politic. Tutyunâoarâ el deadi hâbari câ va s-hibâ dişcl’isi nali consulati ali Românie, tu Spania şi Italia, ţi au tu scupo s-ândreagâ unâ parti di problemili a aţilor aproapea dauâ miliun’i di român’i duşi la lucru, tu dauâli vâsilii. “Ma s-nu-l’i ândrupămu tora, cându au ma mari ananghi di noi feaţi timbihi Băsescu, aestâ va s-dzâcâ câ ti nâscânţâ politicieni, român’il’i ditu xeanu suntu luyursiţ adunâtori di frandzâ ş-ahât, cum âl’i zuyrâpsi multu chiro presa”. Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International