Radio Romania International

Arhiva :

România şi fondurli europeani – 2011. 07.15
(2011-07-15)
Atea dit soni aspuneari: 2011-08-05 16:49 EET Print
Premierlu român Emil Boc căftă a miniştrilor s-lă da sancţiun’i a aţilor ţi au borgea ti dizvărtearea fondurli europeani ţi nu tin’isescu planlu di lucru la simnarea a contractului. Tru andamusea di gioi Comitetlui tră fondurli di la UE, el spusi că sancţiun’ile pot s-agiungă până la ritrădzearea a fondurlor, a deapoa tra s-nu s-cheară pâradzl’i, executivlu caftă metodologhi prit cari pot s-hibă bâgaţ tru alti proiecti. Caplu a executivlui exighisi că s-lo aestâ apofasi di furn’ia a nivelui multu scâdzut ti darea nâpoi, pâradzl’i europen’i, ti lucrârli ţi furâ fapti. Aşi cum spun isăchili, rambursărli pâltiti ti România di cătră Comisia Europeană adună tut cu tut, tru bitisita a meslui ţi tricu, aproapea 650 di miliun’i di euro, dimi 3% di totalu a aţilor 20 miliardi ahârdziti ti 2007-2013. Absorbţia a fondurlor easti un criteriu şi trâ alâxearea guvernamentală, iara tru chirolu ţi yini va s-facâ unâ isapi ti lucurlu a cafi unlui ministru. Prota verificari a contractilor cu finanţari europeană fu câftatâ, gioi, de ministurlu a transporturlor, Anca Boagiu. Controalili va s-hibâ fapti di Autoritatea di Managementu dit minister, cari ti stâmâna ţi yini lipseaşti ta s-aducâ dininti unâ isapi cu pripuniri şi concluzii trâ lucurlu di verificari. Şi ministurlu di externi, Teodor Baconschi, zburâ ti ananghea ufilisearil’ei pâradzl’i european’i. Tu minduita a lui, agiundzearea diplo ali rata di amintari a fondurlor europeani poati s-hibă un scupo realistu. Baconschi cundil’e câ, acă gradlu di absorbţie s-feaţi ma bun, nica nu haristuseaşti. El nica spusi că lipseaşti s-hibâ acâţatâ tru isapi şi ideea a unui minister speţial. Teodor Baconschi: „Vahi nu easti un panaceu, ghini ma orlea zorlea easti unâ turlie di simfunizari cama cu hâiri a gaeretiljei ti amintarea fondurli. Nu va s-triţem di la aproapea 20% la niscânti ministeri, nu la tuti, 60%, ama easti ananghi sâ spunem axizearea ta s-crească rata di amintari cu nai pţân nica ahântu. Minduescu că nivelu di amintari a fondurlor europeani şi di dizvârteari icâ bitiseari a proiectilor dit programili operaţionali easti un criteriu tin’isitu di performanţă tra miniştril’i cari chivernisescu aesti fonduri”. Institutlu tra Politici Publice luyurseaşti că autorităţli nâ aduc tru alathus tu ţi mutreaşti mănucl’iul di amintari a fondurlor structurale tru România. Instituţia spuni, tru un comunicat, că ari disuiduseri anamisa di ţifrili raportati di niscânti instituţii a statlui, iara aestu lucru spuni că nu ari unâ imaghini limbidâ şi corectă a gradlui di amintari a fondurlor europeani. Premierlu Emil Boc lâ tâxi a întreprinzătorlor român’i simplificarea a protedurlor tra discl’idearea a unei firmâ şi aprobarea a Nomlui trâ parteneriatlu public-privat, cari va s-aducâ ma multi investiţii tru România şi va s-aducâ licşurâri ti IMM-uri cu furn’ia tra s-amintâ proiectili di investiţii. Puteţ s-ghivăsiţ nota pe www.rri.ro ş’pi Facebook. Textul: Daniela Ştefănescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International