Radio Romania International

Arhiva :

Polonia la prezidenţil’ia ali UE- 2011.07.14
(2011-07-14)
Atea dit soni aspuneari: 2011-07-15 13:38 EET Print
Ambasadorlu ali Polonie Bucureşti, Marek Szczygiel, spusi că semestrul ali prezidenţil’ie poloneză la Consiliului ali Uniunii Europenă are ca proţ scupadz ună securitati cama mari tru Europa şi ma multă dişcl’ideari andicra di artimaia alantâ a lumil’ei. Varşovia va s-lucreadză, tutunâoarâ maxus ti ndauâ dosari di mari simasii, cata cum guvernanţa economică, năulu buget comunitar, evoluţiili dit nordul ali Africă, lărdzearea ali Uniuni cătă apirită, migraţia şi alumta contra ali ftuhie şi a şomajlui. „Prota ş-prota, lipseaşti s-avem aradă tu casa a noastă isiş dit videalâ economică. Polonia nu easti membră a zonăl’ei euro, ama euro easti sinferlu a nostru păn di mardzină” – spusi diplomatlu polonez, cu pitriţeari la criza a borgilor, cari, după Gărtia, fuvirseaşti tora s-agudească şi Italia. El adăvgă că prezidenţil’ia poloneză va ta s-l’ia parti la bitisearea a proţeslui di aderari ali Croaţie la UE şi s-da silă a lucurlui a alăntor ţi au naeti, cata cum Turchia, Islanda, Sărbia, Ucraina şi Ripublica Moldova. Szczygiel luyurseaşti că securitatea ali Europă ţani ş-di siguranţa alimentară globală ică di aţea energhetică, dumenii tru cari văsiliili membri ali Uniuni lipseaşti s-aibă idyea minduită şi „idyea boaţi.” „Lucărli di prota thesi ali prezidenţil’e suntu tu nai cama marea parti idyealui cu sinferurli a noasti di thimel’iu. Prezidentil’ia poloneză easti di mari simasii ti proţeslu a nostu di aderari la spaţiul Schengen” – spusi, tu arada’l’i, ministurlu român ti Externi, Teodor Baconschi. El şi spusi nădia că Varşovia va s-hibă un arbitru hăirlătic tru moeabetea mutrindalui aderarea ali Românie la Schengen. Baconschi nica spusi că eliminarea a sinurlor interni ali Uniuni easti ună apofasi di mari simasii ti duţearea ma largu a proţeslui di integrari europeană. Tru ahurhitâ hiindalui băgatâ tru plan ti aestâ primvearâ, apruchearea tru spaţiul european di libiră urdinari fu, păn tru soni, amânată sine die di furn’ia a nipistipsearil’ei tru România a nâscântor di membril’i nai ma influenţă ali Uniuni. Acâ pricunoscu că, tehnic, Bucureştiul tin’iseaşti condiţiili ti aprucheari, Parislu, Berlinlu, ama şi alanti capitali europeani stipsescu nireformarea a sistemlui judiciar şi aruşfetea ali administraţie românească. Ambasadorlu ali Franţă Bucureşti, Henri Paul, spusi baş că vadelu naima bun ti cari poati s-aibă nădie România ti aderarea la spaţiul Schengen easti bitisita a anlui 2012. Naima araua variantă, nica spusi năs, va s-hibâ aţea că Bucureştiul vârnâoarâ s-nu intrâ tru spaţiul Schengen. Ambasadorlu polonez cundil’e, ama, că Varşoviaia andrupaşti lărdzearea a spaţiului Schengen ş-că ari umutea că anlu aestu s-agiungă la ună apofasi consensuală tu cazlu ali Românie. Textul: Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International