|
|
| Ună nauă naţionalizari ? |
| (2008-10-09) |
| Atea dit soni aspuneari: 2008-10-09 15:07 EET |
Prezidentul Traian Băsescu fu azvimtu di ceareia imorală, cum l’i spunea seflu a statlui a Partidlui Conservator ună ş-ună după alidzerli dit 2004. Cu tută opoziţia liberală şi democrat-liberală, nomlu a casilor nationalizati, anchisitu di conservatorl’ii andrupăt di suţial-democraţ, tricu di Camera a Deputaţlor, fârâ câ vără di alâxerli căftati di caplu a statlui, ţi nu lu-avea promulgată, s-hibă adoptati. Prezidentul avea spusă ti actul legislativ că easti ună nauă naţionalizari. El nica ari tora, di-l’i da di mănă, maş varianta ti triţearea a lui ti examinari la Curtea Constituţională. Aşi cum spuni nomlu, aţel’i di ma ninti nicuchiri ică clirunomi a aluştor va s-poată ta ş-l’ia năpoi casili maş cara aesti nu s-vindură a oamin’ilor ţi li loară cu niki tu virtutea a unlui controversat nom dit an’il’i 90 şi cara aeşţă dit soni nu li chirură tru instanţa, prit apofasi definitivă. Tu aestu dit soni caz, chiriaşl’ii va s-l’ia compensaţii aşi cum lă si cadi simfun cu valoarea di păzari a aţilor casi, ancupărati ti ţiva cu păradz. Va s-dzăcă, atel’i ţi suntu maş chiriaşi agiungu nicuchiri di dreptu, iara alanţă, victimi căţe lă si loară casili cu călcarea a nomlui, lipseaşti s-agărşească că va lă si da năpoi aesti casi, şi s-lă si da păradz tu loclu a veacl’il’ei nicuchirată. Andrupăţ susto tu Parlamentu di dzăţ di reprezentanţtă a chiriaşlor, legiuitorl’ii cari băgară nomlu tu lucru s-hiritisescu şi spun că el va s-dănăsească aţea ţi el’i număsescu mafia imobiliara, ţi s-pari că ari amintată cabaia ma ufilisiră ti amintaticlu a lor sutili di proţesi nchisiti pi litigii anamisa di aţel’i di ma ninti nicuchiri şi aeşţă di tora nicuchiri. Critiţl’ii contesta, ama, constituţionalitatea a unlui nom ţi, la prota ghivăseari, pari că eludeadză andreptul inatacabil la proprietati. Idyil’i antiţipeadză ună dalgă di proţesi la Curtea Europeană ti Ndrepturli a Omului. Căţe chivirnisi slabu problema a nicuchiratăl’ei după revoluţia dit 1989, statlu român lo di la CEDO cama di 150 di condamnări tru dosari ţi mutrea darea năpoi legitimă, a deapoa amendzăli ţi Romania lipseaşti s-li păltească trec di 13 di miliun’i di euro. Reacţiili a presăl’ei la votlu a deputaţilor zburăscu eali işiş. COTIDIANUL ngrăpseaşti că “PSD şi PC băgară cu sila a daua naţionalizari”, chiro tru cari CURENTUL blameadză suţata anamisa di social-democraţ şi conservatori căţe, alidzem “ngrupă ndreptul la proprietati tru Romania”. Nica ş-ma radical, jurnalu ZIUA ngrăpseaşti, sum numa “Furl’i di casi”, că “Felix”, numa sum cari prezidentul di tin’ie a Partidlui Conservator, Dan Voiculescu, vahi ari lucrată ti aţea di ma ninti poliţii politică, ngrupă ti totna proprietatea di u toarnă România la 1948 - anlu a naţionalizaril’ei faptă di comunişti. “Nomlu nchisitu di Dan Voiculescu, ţi u bagă cruţea pi darea năpoi a casilor naţionalizati, fu votat di Parlamentu acă ari şi ună Constituţie, cu tuti timbihili fapti di CEDO şi normili europeani”, stipseaşti ZIUA. Maş Curtea Constituţională nica poati s-ncheadică băgarea tu lucru a nomlui di tora, spunea idyea publicaţie.
<
>
Textul: Ştefan Stoica
Apriduţearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido