|
|
| Partiţipaţia a statlui român la mări companii - 2011. 07.12 |
| (2011-07-12) |
| Atea dit soni aspuneari: 2011-07-13 12:07 EET |
Bursa di Valori Bucureşti dizvărteaşti di aestă stămână, oferta publică secundară di vindeari acţiuni di la Ministerlu român ali Economie la Petrom, companie controlată di concernul petrolier austriac OMV. Ministerlu ali Economie dimăndă că vindi 9,84% dit acţiuni Petrom, dimec aproapea giumitati dit pacheta ţi u ari, iara păradzl’i ti cari s-faţi isapi că va s-hibă loaţ easti di aproapea 2,5 miliardi di lei (va s-dzăcă aproapea 600 di miliun’i di euro). Tu aestu kiro, OMV ari 51,01% dit acţiunile Petrom, Fondul Proprietatea 20,11%, Banca Europeană tră Reconstrucţie şi Dizvoltare 2,03%, iara 6,21% dit acţiuni suntu cu dari loari libir la Bursa di Valori Bucureşti.
Apofasea a Executivlui român yini dupu angajamentu Ti fu loat andicra di Fondul Monetar Internaţional - cu cari simnă aestă primveară ună nauă akicăseari – mutrindalui vindearea a niscăntor pacheti dit acţiun’ile ţi li ari la companii di simasii strategică cata cum Transelectrica, Transgaz, Romgaz, Nuclearelectrica, Petrom, CFR Părmatii şi Tarom. La ună andamusi cu emburl’i, premierlu Emil Boc declară că va s-andrupască ma largu vindearea a niscăntor pacheti minoritari di acţiuni la ahtări companii.
Caplu a statlui cundil’e că easti atel ţi mbărţiteadză privatizărli transparente cari s-hibă tru sinferlu a cratlui. Atumtea cându s-fac privatizărli, nica spuni Emil Boc, statlu român lipseasti ta ş-li ţană ma largu partiţipaţiile majoritari tra ş-asiguripsească autoritatea tru sectoarili di simasii ali economiei. Di altă parti, aşi cum spuni Emil Boc, apofasili serti dit atel’i doi an’i dit soni adusiră ali economie româneşti stabilitatea ţi u chiru tru 2008, iara a văsiliil’ei statutlu di hăiri vini oara ti investiţii (investment gradi) (track 11 iulie, ora 22:01):
„Vasilia ş-amintă diznău statutlu di văsilie tru cari pot să s-facă investiii, ţi va s-dzacă easti ună hăbari bună di mediul di emburlăki şi nsimneadză ti românlu di arada că va s-aibă şansa ta ş-află ma lişor un loc di lucru, ti investitor că poati eventual s-caftă ta s-amintă un mpărmut ică s-dişcl’idă ună investiţie tu România. Ti guvernanţă easti nica ună confirmari că dol’ii an’i dit soni fură cu hăiri dit videală economică prit apofasili ţi s-loară ş-că aestu lucru easti pricunuscut di organismili internaţionali cari năpoi deadiră ali Românie statutlu di văsilie tu cari pot să s-facă investiţii.”
Emil Boc cundil’e şi simasia a parteneriatlui public-privat, cari, spuni năs, u moderniză UE şi lipseaşti ta s-hibă şi la thimel’ilu ali modernizari tru România, ta s-aducă tu scară mari şansili tră mediul di emburlăchi. Aşi cum spuni premierlu român, scupadzl’i di sinfer naţional suntu autostrăzli, hidrocentralili, apunţăli rutieri şi căl’iurli anvărliga di căsăbadz.
Puteţ s-nă ascultaţ pi www.rri.ro ş-pi Facebook.
Textul: Corina Cristea
Apridutearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido