Radio Romania International

Arhiva :

Taxa di anfărmăcari niaprukeată di Curtea di Luxemburg - 2011.08.07
(2011-07-08)
Atea dit soni aspuneari: 2011-07-11 14:03 EET Print
Controversata taxâ di njfărmăcari băgată di autorităţli români cu scupolu ti znuiarea a parcului auto, fu băgată diznău la stizmă di Curtea di Justitie di Luxemburg cari apufusi că aestă easti contra ali legislaţie UE. Acă Guvernul român caftă a Curtil’ei s-li apridună cu kirolu zn’iili a apofasil’ei ţi u lo, Curtea lugursi că Executivlu român nu scoasi tu lun’ină existenţa a nscăntor cutulburări greali ali economie prit niloarea păradz ti taxă şi nu apruke nkisita. Magistraţl’ii exighisiră că ună ahtari reglementari tal’i curayilu ti importu şi băgarea tu urdinari tru România a niscăntor autovehiculi di ocazie, ancupărati dit alti stati membri ali UE. Apofasea a forlui european fu acăţată tru isapi dupu ună căftari faptă di un cetăţean român niifharistusit că pălti ună taxă di înmatriculari multu mari. Ti furn’ia că lugursi că aestă easti contrara a normilor europeani, el cutuigursi că taxa easti bagată tu lucru maş ti aftuchinatli vecl’i importati dit alti stati, nu şi alăntor autoturismi second-hand, ţi fură nreghistarti tru România şi vinduti diznău. Tu aesti conditii, guvernul român easti anănghisitu, s-alăxească diznău, proiectul di nom iara prit naua variantă, s-nu hibă stipsitu ti discriminari.Naua taxă va s-bagă tru lucru, vahi tru cuantumuri n’icşurati di pănă tru 30%, ş-ti aftuchinatli adusi tru văsilie ninti di 1 di yinar 2007, cându fu băgată tru lucru taxa. Autorităţli cundil’iară că aţel’i cari păltiră ma multu andicra di năulu nivel a taxăl’ei di nfărmăcari ţi easti tru plan tra s-hibă reglementat va s-l’ia năpoi artimaia, andicra di căftărli fapti. Ministurlu român a Fisil’ei, Lasylo Borbely, declară că ari căbilea că, tu yinitor, s-hibă băgată tru practico ună taxă auto unică. Nica şi aşi, un lucru easti limbid: controversata taxă nu va s-keară, a deapoa numirlu a aţilor cari da tu giudico autorităţli române va s-crescă. Analiştil’i a păzaril’ei auto minduescu că Executivul ma largu faţi ună echilibristică tru ună dumeni tru cari reglementărli ţi li băgă tru lucru, cafi oară s-agudiră cu normili ali UE. Tru 2007, după aderarea la Uniuni, Guvernul român băgă taxa di primă înmatriculare cu naetea apufusită că România s-nu agiungă mirminţăl’i auto ali UE. Sum fuvirsearea a proţedurăl’ei di infrigement, taxa fu pătidzată diznău, di agiumsi txă di poluari, iara turlia ti făţeari isapi fu alăxită ma multi ori arada. După ţi, anlu aestu, instanţele comunitari apufusiră că taxa easti discriminatorie, telenovela auto fuvirseaşti ta s-ducă ş-ma largu ş-ti lungu kiro. Textul: Mihai Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International