Radio Romania International

Arhiva :

Agricultura românească şi umutea europeană – 2011.07.06
(2011-07-06)
Atea dit soni aspuneari: 2011-07-07 13:35 EET Print
Cunuscut tu kirolu di ma ninti ca un ţi eara grânarlu ali Europă, statut pricunscut internaţional anamisa di aţeali dauă polimi mondiali, România agiumsi, după experimentul comunistu di mari aputruseari ş-cu ună tranziţie tanal’iurea, tru harea ti nistrăxeari tra s-nu poată s-aibă productu duri, ti consumlu işiş. Furn’iili ţăn di ixichi tu ţi mutreaşti kivernisearea a agărlor, producţie şi dari-loari. Păzarea internă fu aputrusită di produsi agroalimentare dit importu, maxus dzărdzăvăt şi yimişi, nu orlea zorlea ma buni ama cadealihea ma ieftine, a deapoa românlu dukeaşti ază, că mearili româneşti s-vindu ma scumpu andicra di banani. Catastisea a agriculturăl’ei autohtone ari, ama nădii ta si s-alăxească. Comisarlu european ti Agricultură, românlu Dacian Cioloş, declară că Bucurestiul va s-l’ia dit 2013, ma multi fonduri andicra di ateali di ază dit bugetlu a politicăl’ei agricolă comună, tu condiţiile tu cari păradzl’i di la Uniuni va s-hibă tu amprotusa ahărdziţ ti naiaua di cătă notu ali UE. Aestă arădarichi agiundzi s-hibă di simasie ti furn’ia a alăxerlor democratiti ditu viţinată. Uniunea – spune Dacian Cioloş – lipseaşti ta s-da ma mari simasie a naiilor dit not tra s-ndrupască democraţia, ama ş-ta s-da curayiu ti cristearea a lor economică ş-ta s-n’icşureadză, aestă turlie purtărli migratorii cătă statili dit Uniuni. România va s-hărsească di mulţa păradz dit fondurli comunitari ahărdziti ti agricultură, ama nu tu iţi condiţii. Dacian Cioloş: „România va s-hibă un di pţănili stati membri cari va so s-hărsească di yinitorlu buget ali politică agricola comună, dimi cari va s-aibă ună cumată financiară ţi va-l’i si da ma mari andicra di aestă di tora, em tu protlu stur, em ş-tu partea di crişteari lucurlu tru hori, ama va s-lipsească ta ş-apufusească scupadzl’i dit agricultură cari s-acaţă tu isapi aesti trei mări obiective: securitatea alimentară, buna chiverniseari a yişterlor dit fisi şi coeziunea a teritoriului rural”. Ministurlu ali agricultură di Bucureşti, Valeriu Tabără, ş-apufusi ta s-aibă ca prot scupo ti echilibrari ziya comercială ti produsili alimentari. El spusi că, tru prota parti a anlui, exporturli năstricură tuti aştiptărli şi să spusi mplin di nădii tu ţi mutreaşti şansili că România s-amintă diznău anamea chirută di mari producător agricol. Ia ţi spusi Valeriu Tabără: „România ari putearea ta s-producă, nu s-caftă. Nu s-importă gărnuu şi misur, mea s-eexportă. Escu căndăsit că ti doi-trei an’i di dzali agricultura ali Românie va s-aştearnă tu ună zonă nu cu potenţial, că maş pi thimel’iu di parteneriat şi tră păzarea românească, ş-tră păzarea di nafoară”. Deficitlu ali ziyă ti produsili agroalimentare s-n’icşură la cama di două ori andicra di anlu ţi tricu. Cum spuni Ministerlu ali Agricultură, importurli agiumsiră tru 2010 la aproapea 3,8 miliardi di euro, iara exporturli la vara 3 miliarde di euro. Textul: Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International