Radio Romania International

Arhiva :

Unâ isapi anticipatâ
(2008-09-28)
Atea dit soni aspuneari: 2009-02-24 13:34 EET Print
Dupâ patru an’i di mandat şi cu doi meş ninti di alidzerli legislativi, premierlu român, liberalu Călin Popescu-Tăriceanu, dzâţi câ taha ari bifatâ 95% di angajamentili ţi ş-li lo tu momentul a investiril’ei. La cumândusearea a unâl’ei coaliţii cu geometrii variabilâ, prota PNL-PD-UDMR-PC, azâ maş PNL-UDMR, minoritarâ şi armasâ pi lucru maş cu voturli ali opoziţie social-democratâ, primlu ministru lâsâ sâ s-aducheascâ, tu un limbid demers electoral, că groslu a amintărlor li feaţi, exclusiv, partidlu a lui. Călin Popescu Tăriceanu (TRACK): “Putum dimi, tu 1 di yinaru 2007, s-intrăm tu Uniunea Europeană după aproapea 2 an’i, ş- dupâ alţâ doi an’i di pidimo putum s-himu vâsilia cu nai ma marea crişteari a PIB-ului ditu Europa. Ti cetăţen’i avemu faptâ pidimo s-lâ creascâ nivelu di banâ prit crişterli a tin’iilor di cafi mesu cari lâ intrâ ngepi.” Defalcati, cifrili confirmă, ca dealithea, unâ crişteari gheneralâ a indicatorlor economico-sociali. Bâgarea ali cotâ unicâ di impozitarie, di 16 proţenti, dusi la unâ crişteari cu 60% a amintaticlui la bugelu di stat. Media ali inflaţie ti aeşti patru an’i ditu soni scâdzu la vârâ 7%, di la aproapea 21% tu chirolu 2001-2004. Tutu tu medie, criştearea icunomicâ eara di 6 %, şi agiunsi tu protlu semestru a anlui 2008 la 8,8 % , nai ma analtul nivel di după 1990. Anamisa di 2005 şi 2008 furâ adrati ma multu di 600 di n’il’i di nali locuri di lucru, valoarea a investiţiilor xeani agiunsi la 35 di miliardi di euro, iara tu işita a anlui PIB-ul poati s-agiungâ la 140 miliardi euro, dimi diplo andicra di 2004. Previzibil, opozitia deadi apandasi ântr-oarâ, ş-bâgă stepsu cu argumenti tutu ahântu vârtoasi, ti nivelul scâdzut a putearil’ei di ancupârari a român’ilor şi slaba ghestionari a sectoarilor publiţi. Ti liderlu PSD, Mircea Geoană, raportul premierului minti prit alâsari nanaparti (TRACK): “Tu 2004, Alianţa PNL-PD tâxi a român’ilor că va s-bâneadzâ ma ghini, au tâxitâ că va s-asiguripseascâ puteara di ancupârari a pensionerlor şi a familiilor cari lucreadzâ multu, au tâxitâ că va s-adarâ căl’iuri şi spitali, au tâxitâ câ va s-asiguripseascâ acţes isa la înviţamint ti tuţ ficiuriţl’i ditu Românie. După patru an’i di guvernari prit scandal, aruşfeti şi incompetenţă, s-vidzu limbid câ nai ma multili di tâxerli PNL ş- PD-L eara maş minciun’i electorali.” Tu aradha a lui, prezidentul PD-L, Emil Boc, bâgă stepsu ti incompetenţa a guvernului di tora tu ghestionarea a pârălui public (TRACK): “Maca sectorlu privat s-ari dezvoltatâ prit bâgarea ali cotâ unicâ, impusă di PD, sectoarili administrati di guvernu ditu pâradz publiţ - sănătati, învitâmintu, agricultură, infrastructură - suntu tu unâ catandisi ca vai di eali.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International