Radio Romania International

Arhiva :

Ţi lucri nali aduţi năuluărd şcolar?
(2008-09-15)
Atea dit soni aspuneari: 2008-09-15 12:54 EET Print
Tu România, trei miliun’i ş-gumitati di elevi dit nviţămintul primar, gimnazial şi liceal ş-di ficiuriţ di gărdiniţă ahurhiră, pi 15 di yismăciuni, năulu an şcolar. Tra să spună cum easti ca ună turlii di adeti ş-ţi ţăni di multu chiro, multi sculii nu suntu ndreapti ta s-lu aşteaptă. Dit 23 di n’il’i di sculii, 9 n’il’i suntu tu len turlii di catandisi di znuiari, iara un cirec nu au nica autorizaţii sanitari. Catandisea easti idyea şi la grădiniţi cari, ma multu, s-ampulisescu cu ună ixichi cabaia mari di locuri. Ministurlu ali educaţie, Cristian Adomniţei, ari altă minduită track: ''Păradzl’i investiţ ti znuiarea a sculiilor dit tută văsilia ş-aspuni nica di tora hăirea tu naima multi locuri, iara tu alanti va să s-veadă ti şcurtu chiro. Ună altă hăbari importantă ti aestu an scular easti aţea că cafi elev dit proţl’i doi an’i di liceu şă-dit sculiili di artă şi zănăţ va s-aibă un calculator acasă. Tu aestu an ancupărăm 1.800 di microbuze, ta s-ndridzem tu naima marea parti problema ti purtarea a elevilor di acasă la şcoală.'' Di altă parti, înviţămintul românescu tradzi cabaia di itia a ixichil’ei di cadri didactiţi. Niifharistuserli ligati di tin’iili di cafi mes n’iţ, profesorl’ii fug dit sistemu ti alti zănăţ, ică fug tu xeani. Ndridzerli ţănu di improvizaţie: adunarea tu un loc a elevilor tu sculiili autorizati, cl’imarea diznău a profesorlor pensionari şi umplearea golurli cu profesori suplinitori. Ministerlu a Educaţil’ei nica dimăndă alăxeri metodologhiţi mutrindalui ndridzerli şi dizvărtearea a examenlui di bacalaureat şi a tezilor cu subiectu unic ti intrarea la liceu. Purtătorlu di zbor a Minsterlui, Mihaela Suciu: ''Metodologhia s-ntimil’eadză ma multu pi siguranţa a probăl’ei di examen. Deadim un nău statut a subiectilor, dimi documenti secret di lucru, aţea ţi va s-dzăcă că, dit oara a ndridzearil’ei a subiectilor până cându aesti agiungu publiţi, vărnu nu ari ndreptul s-li spună ti şteari. Evaluarea a tezilor va s-facă dinăoară di profesorlu di la clasă ş-di un profesor di Centrul di examinari ţi nu ari ligatură cu şcoala”. Anaparti di aranjamentili cosmetiţi fapti di autorităţ tu aţea dit soni sută di meatri, presa ducheaşti că, di la an la an, sistemlu di inviţămintu s-aspardzi ş-că şcoala românească dipusi sum praglu mondial a mediocritatil’ei. Un studiu dit soni adrat di Asociatia Internaţională di Evaluari a hăirlăticlui şcolar u aduţi Romania pi loclu 36 dit aţeali 45 di stati analizati. Aşi cum spuni documentul, prinţipalili furn’ii a archişuraril’ei suntu programa şcolară cabaia incărcată şi metodili multu slabi di predari. Studiul nica spuni că elevl’ii români au performanţi sum media internaţională tu aţea ţi mutreaşti ghivăsearea, achicăsearea a unui textu şi ştiinţili exacti. Textul: Andreea Bojoi Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International