Radio Romania International

Arhiva :

TRU PRAGLU A UNUI NĂU AN ŞCOLAR
(2008-09-09)
Atea dit soni aspuneari: 2009-02-24 13:32 EET Print
Ca tu cafi toamnă, ninti di dişcl’dearea a unui nău an şcolar, sindicatili dit înviţămintul românescu ahurhescu s-facă halatu. Deapoa tu aestă toamnă cu ahăt ma multu cu cât suntu băgati tu plan ta s-ţănă şi alidzeri parlamentari. Ş-niţi nu s-putea altă turlii – partidili di opoziţie nu s-alasă ma nghios şi-lu cărteaşti guvernul cu căftări mutrindalui înviţămintul pitricuti tu parlamentu, aşi cum feaţiră democrat-liberal’ii şi social-democraţl’ii. Aesţă dit soni s-minară vichimu ma ayon’ea andicra di concurenţa, di pitricură, di ma multu chiro, un proiectu di nom mutrindalui criştearea a tin’iilor di cafi mes tu înviţămintu nu ma nghios di 50%, proiectu ţi fu aprucheat di Senat, ama s-nchidică la Camera a Deputaţlor. Tora, sindicatili căftară a prezidentului a Camerăl’ei a Deputaţlor, liberalu Bogdan Olteanu, bagarea a aluştui proiectu di nom tu arada a dzuuăl’ei di lucru, tu regim di ananghi, căţe spun el’i, ma s-hibă di tin’iili di cafi mes s-nu crească, tu scara pruvidzută, di la 1 di sumedru, va s-ahurhească protestili. Secretarlu general a Federaţil’ei tră Educaţia Naţională, Constantin Ciosu, zuyrăpsea aestă turlii catandisea şi zn’iili ti pot s-aibă: „Easti zborlu ti un mănucl’iu di niifharistuseri. La aţeali naima vecl’i, ligati di finanţarea a înviţămintului românesc, nu di multu chiro s-adavgă niaptruchearea a prezidentului di la Camera a Deputaţlor ta s-aducă tu arada a dzuuăl’ei di lucru aţel proiectu legislativ mutrindalui criştearea a tin’iilor di cafi mes cu aproapea 50% ti personalu dit înviţămintu, proiectu legislativ ţi ari tricută di Senatlu ali Românie. Amănarea easti păn di mardzină niăntimil’eată. Noi avem pitricută, ună carti a domnului prezidentu a Camerăl’ei a Deputatlor, Bogdan Olteanu. Soţl’ii suntu apufusiţ s-nchisească lucri ti mutari cap. Prota arădărichi va s-hibă atea dit nchisita a anlui şcolar, cându, vahi, membri dit clasa politică ş-di la guvernu va s-ducă tu şcol’i să s-alavdă cu mărli ndridzeri, a deapoa noi va lă aduţem ti şteari că lucărli nu suntu dip aşi, şi aestă va u-adrăm dinintea a elevilor şi a părinţălor. Ma amănat, ari căbili ti alti minări di protestu, ari căbili ş-ti urdinări pi geadei, mitinguri ş-căţe nu acă nu-lu-vrem aestu lucru, putem s-agiundzem la greva di timbihi ş-la greva generalã, ţi poati s-aibă tu chipitâ ncl’idearea a anlui scular.” Ghini, nu maş profesorl’ii s-ascumbusescu, că şi studenţăl’ii. Uniunea a Studenţălor dit România lu-călisi premierlu Călin Popescu Tăriceanu ti ună moeabeti mutrindalui catandisea ali praxi, stipsindalui purtaticlu dezinteresatu ti ministurlu ali educaţie, Constantin Adomniţei, vahi lu spuni andicra di studenţă. Ghini ma, tamam, aseara, premierlu luyursea că Ministerlu ali Educaţie lipseaşti s-hibă alâvdat că feaţi ună gaereti cabaia mari ta s-lu facă ma hăirlăticu lucurlu cu baza materială a înviţămintului. Mai multu el spusi că ncuntrarea ti reformă nu s-veadi di partea a elevilor ică a studenţălor, că a profesorlor ţi s-aspar ti catedrili a lor. Textul: Mirel Apriduţearea: Taşcu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International