Radio Romania International

Arhiva :

LÂNGORLI A ROMÂNI’ILOR
(2008-08-29)
Atea dit soni aspuneari: 2008-08-29 12:31 EET Print
Diabetlu, lângorli di inimâ şi cancerlu suntu lângorli di cari român’ili tragu nai ma multu. Itiili a aiştor lângori suntu alimentaţia nisânâtoasâ şi sedentarismul. Ministrul a Sânâtatil’ei, Eugen Nicolaescu, feaţi aieri, unâ isapi a Programlui Naţional di Igseari a Catandisil’ei di Sânâtati a Dun’iauâl’ei, actiuni tu premierâ dupâ andreu 1989, ânchisitâ aoa ş-unu anu. Raportul scoati tu migdani câ aproapea 11 miliun’i di oami’n’i âşi feaţirâ analizili recomandati di minister. Aşi furâ aflati 4 miliun’i di persoani tu piricl’iu di lândzâdzari, dimi 37% di aţel’i mutriţ. Diabetul zaharat easti tu toplu a lângorilor cari fuvirsescu sânâtatea a român’ilor, vârâ 3 miliun’i di persoani hiinda tu piricl’iu s-dezvoltâ aestâ lângoari. Tutu aşi, 7% di aţel’i mutriţ suntu tu piricl’iu s-facâ unâ lângoari cardiovascularâ. Idyiul raportu spuni ş-câ pi treilu locu easti piricl’iul di lândzâdzari prit cancer, 6% di persoanili mutriti, dimi 700 n’il’i hiinda tu piricl’iu s-u facâ aestâ lângoari. Analiza a programlui spuni ş-câ furâ aflaţ ma multu di 150 di n’il’i di inşii cari nu ştea câ suntu lândzidz. Ta s-poatâ s-anvâleascâ unâ parti câtu cama mari parti a dun’iauâl’ei, ministrul român deadi hâbari câ programlu va sâ s-ducâ ninti pân di işita a anlui. Elu dzâsi ş-câ , pânâ tora, di acutotalu a aţilor ţi li feaţirâ analizili fârâ pâradz inclusi tu proiectu, 55% li au faptâ, ş-pi ţhimeilu a rezultatilor intermediari furâ minduiti ândauâ strategii nali. Eugen Nicolaescu:”Tu yinitor, programlu va s-dezvoltâ luânda tu isapi rezultatili aiştei protâ hopâ. Atunţea cându am proiectatâ şi lansatâ aestu program spuneam câ, dupâ rezultati, va s-ândridzemu politiţ sanitari uidusiti ş-va u minduim diznou ampârţarea a pâradzlor. Nu avemu aştiptatâ bitisearea a anlui 2008, tu cari s-dizvârti programlu şi avemu minduitâ nica di tora ândauâ strateghi ufilisinda rezultatili intermediari.” Ta s-lu scoatâ ncapu cum lipseaşti proiectul, Ministerul a Sânâtatil’ei lo apofasea s-caftâ agiutor di la administraţiili locali, di la instituţiili di ânviţâmintu, cumu şi di la Bâsearicâ, cari s-hârseaşti, tu Românie, di nai ma marea pisti di partea a dun’iauâl’ei. Nicolaescu luyurseaşti câ pân tu bitisitâ va s-da apandasi pozitiv la invitaţia ti mutrearea a sânâtatil’ei ântrâ 60 şi 70% di român’il’i cari aproaci taloanili ptricuti di Ministerlu a Sânâtatil’ei ta sâ-şi facâ analizili. Elu dzâţi ş-câ , tu ahurhitâ luyursea câ va s-yinâ lac yiatru ti igseari şi român’il’i cari lucreadzâ tu xeani. Yiatsârli spunu ama câ aeşti yinu acasâ maş ta ş-li viziteazâ familiili. “Nu ş-batu caplu ti controlu medical, easti di păreari ministrul Nicolaescu, cu tuti câ, adavgâ elu, tu România, easti multu ma ieftin ti el’i.” Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International