Radio Romania International

Arhiva :

Reacţii la criza di Georgia
(2008-08-26)
Atea dit soni aspuneari: 2008-08-26 13:49 EET Print
Tu unâ andamusi fârâ suspans, camera superioarâ a Parlamentului arusescu ari votatâ luni 25.08. dip previzibil şi cu elocventâ unanimitati, ti pricunuştearea a independenţâl’ei a reghiun’ilor separatisti pro-aruseşti di Georgia. Pi di unâ parte, votlu u ânvârtuşeadzâ, tu termen’i politiţ, ândruparea militarâ datâ di Moscova a separatiştilor di Oseţia di Sud şi Abhazia, prit expediţia di pidipseari ţi s-feaţi tora ayon’ia ş-u adusi ascherea aruseascâ pânâ aproapea di Tbilisi. Pi di altâ parti , ama , nu angajeazâ, nai puţân tora di oarâ, Arusia tu unâ aventurâ diplomaticâ cu piricl’iu, câţe, aşi cumu spuni Constituţia, prezidentul Dmitri Medvedev easti singurlu cari poati s-vuluseascâ statalitatea a dauâlor riepubliţ auto-proclamati. Cancelariili occidentali s-ayun’iusirâ sâ-l’i caftâ a noului lider di Kremlin s-nu ţiva di li pricunoaşti. Tu aradha a loru, experţâl’i facu timbihi câ, prit pricunuştearea a independenţâl’ei, “poati sâ s-facâ un precedentu cu piricl’iu, cari poati s-lu pingâ spaţiul ex-sovietic pân di mardzina a hauâl’ei.” Apresu diznou tora, conflictul georgian nu easti singurlu talaru cu pulbiri di pi armâsâturli ali Uniuni di ma ninti. Tutu tu Caucaz, Arusia işişi nu putu s-aducâ irinea di dip tu Cecenia secesionistâ. Cu dun’iauâ majoritar armeanâ, reghiunea azerâ Nagorno-Karabah va ş-ea ş-u amintâ independenţa andicra di Baku. S-dipu tu mardzina ali U E, nu diparti di sinurlu romanescu Transnistria rusofonâ şi rusofilâ va ş-u facâ de jure, ampârtărea de facto, ditu 1992, di Ripublica Moldova (majoritar românofonâ). Analoghia cu cazlu osetin dânâseaşti ama aoa. Dipu al’iumtrea di omologlu georgian, pro-occidentalul Mihail Saakaşvili, prezidentul comunistu moldovean, Vladimir Voronin, s-antreaţi cu separatiştil’i ta s-hibâ pi chefea ali Moscovâ. Elu tama eara dusu Soci, iu, câţe lu ştea piricl’iu ali apandasi aruseascâ, âl’i deadi diznou asiguripseri al Medvedev câ nu va s-ufiliseascâ unâ soluţie militarâ ti disciplinarea ali regiune aribelâ. Jurnalu bucureştean ROMANIA LIBERA, li tipuseaşti zboarâli a analistului Armand Goşu cari aduţi aminti câ liderlu separatistu transnistrean, Igor Smirnov, câftă di ma multi ori ali Moscovâ pricunuştearea ali independenţâ. Duma di Stat deadi cali , ama Kremlinlu nu apruche. Tu aradha a lui amiricanlu di orighini românâ Michael Radu, expert la Institutlu ti Politica cu Xeanili di Philadelphia, aduţi aminti, câ “Moldova easti nica di ma ninti tu sfera aruseascâ, cu ândruparea a aligâtorlor. Moldoven’il’i lu-au aleaptâ pi Voronin şi nu potu s-acâchiseascâ câ nu potu ta s-aibâ şi Transnistria, şi independenţa alithea.” Autor : Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International