Radio Romania International

Arhiva :

Bâstroe, Ucraina cedează
(2008-08-25)
Atea dit soni aspuneari: 2008-08-25 13:42 EET Print
Dupâ tamam patru ani şi trei meşi di la nchisearea a lucrărlor di construiri a controversatului canal di navigaţie dunârean di mari ahândami, Bastroe, Ucraina nu mata deadi cali la deţizia finalâ ti adrari doua fazâ a proiectului, ţi u avea adoptatâ unilateral tu andreu 2007. Aşi, Kievul li tin’iseaşti pruviderli a acâchiserlor internaţionali şi câftărli ţi li feaţirâ multi organizaţii di avigl’iari a fisil’ei. Adunaţ tu a daua parti a meslui cirişaru tu Românie – ţi di prota avea câftatâ s-nu s-adarâ aestâ cali di navigaţie cari treaţi pritu Delta a Dunâl’ei ,di cari nai ma marea parti easti pi loclu românescu – reprezentanţâl’i a statilor parti la Convenţia di la Espoo ţi igseaşti zn’iili ţi li aduţi a fisil’ei tu contextu transfrontalier avea câftatâ ali Ucrainâ, s-li dânâseascâ lucrărli şi s-acaţâ diznou dialoglu cu autorităţli români. Ca unâ consecinţâ, Kievlu deadi hâbari tamam tu andamusea di Bucuresti câ va li dânâseascâ lucrărli la canalul Bastroe pânâ va s-aflâ unâ soluţie cari sâ s-uiduseascâ cu pruviderli ali Convenţie Espoo – dimi s-nu aspargâ fisea şi s-hibâ aprucheatâ di statili afectati. Ampârţâtâ anamisa di România şi Ucraina, Delta a Dunâl’ei easti tu patrimoniul UNESCO ditu 1991 ca rezervaţie ali biosferâ ţi ari tu ea ma multu di 1000 di turlii di planti şi vârâ 300 di cişiţ di pul’i agri şi peşti. Unâ dintri di naui ma ahârdziti zoni naturali ditu lumi, Delta a Dunăl’ei easti loclu iu ş-adarâ cubaiur şi scotu pul’i cişiţ di pul’i fuvirsiţ pi nivel global, cum pilicanlu comun şi pilicanlu ncârcil’iat, cormoranlu n’icu şi gâsca cu guşi aroşi, cyum şi nâscânti cişiţ di sturion ţi suntu tu piricl’iu s-chearâ di dipu. Ti avigl’iarea a tutulor aiştor România, deadunu cu alanti vâsilii ditu UE, di SUA şi multi avdzâti organizaţii internaţionali di avcigl’iari a fisil’ei ari loatâ poziţie şi scoasi tu padi câ proiectul ucrainean pi braţlu Bastroe aduţi mări zn’ii tu ecosistemlu a Deltâl’ei ali Dunâ. Câţe vrea s-aibâ acţes directu pi Dunâ la Amarea Laie, autorităţli di Kiev s-fâţea câ taha nu li duchescu aesti problemi ş-dusirâ ninti lucrărli la aestu canal cari treaţi tamam prit mesea ali rezervaţie naturalâ şi aestâ lâ adusi multi critiţ. Contra aiştui proiectu s-mută şi societatea civilâ ditu Ucraina, organizaţiili di fisi ditu aestâ vâsilie hiinda protili cari au protestatâ andicra di construcţia a canallui. Autor: Corina Cristea Armnipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International