Radio Romania International

Arhiva :

MEDIA – TOP
(2008-08-25)
Atea dit soni aspuneari: 2008-08-25 13:40 EET Print
Ediţia cu numirlu XXIX a Agiocurlor Olimpiţi di vearâ s-bitisi, dumânicâ, Beijing, cu nai ma slaba isapi tu 56 di an’i ti Romania: patru medalii di malâmă, unâ di asimi şi trei di brondzu. Presa comentezâ cu ânvirinari contraperformanţa sportivan’ilor român’i carie, tu 1984, la olimpiada di Los Angeles, acâţa doilu locu pi naţiun’i, cu 53 di medalii. Ti editorialiştil’i di la Evenimentul Zilei, Beijing s-tânu unâ “olimpiadâ a niputearil’ei şi a scâdearil’ei a sportului romanescu”. Itiili a scâdearil’ei? Aspârdzeare şi chirearea a bazilor sportivie, xichea a profesioniştilor şi a fondurlor, xichea di itnteres a guvernantâloru şi aţea câ tu sculii nu mata s-faţi educaţia fizicâ cumu lipseaşti. Maricica Puica, romanca ţi născănţâ an’i nâpoi lu amintă titlu di campioanâ olimpicâ tu proba di 3000 di metri, declara, tu frândzâlia idyiului jurnal, ca nu poati să s-facâ performanţâ fârâ ândridzeari chentralizatâ şi câ, “din punctu di videari sportiv, eara mai ghini tu comunismu”. “Olimpiada a niputearil’ei”, ”Olimpiada cinuşie”, “Recesiunea olimpicâ“, “Fânico ti România” şi “Arşini mari” suntu alti titluri ditu presa di azâ, cari nu va va ta s-l’iartâ maxusu chirerli a sportivan’ilor -vedetâ. Easti cazlu ali pareie femininâ di handbal, vicecampioana mondialâ, a ghimnastului Marian Drăgulescu, multiplu campion mondial şi ali discobolâ Nicoleta Grasu cari nu avurâ hâiri Beijing. “Jurnalul Naţional” bagâ oarâ ama câ tonurli cinuşii di la olimpiadâ furâ aumbriti di ândauâ performanţi romaneşti di excepţie, ţi li avurâ reprezentantili a sexului muşat. Amalâma amintatâ di Alina Dumitru la judo, di Georgeta Andrunachi şi Viorica Susanu, la canotaj, di Constantina Dita, la maraton şi di Sandra Izbasa, la ghimnastica, li umplurâ inimili a român’ilor di harao şi di nădie. La “oara a averlui”, prezidentul a Comitetlui Olimpic şi Sportiv Român, Octavian Morariu, declara tu “Cotidianul”, câ participarea romaneascâ Beijing fu onorabilâ. ”Nu nâ feaţimu di arşini” , sumcundil’iadzâ oficialu cari, ninti di JO, dâdea asiguripseri câ obiectivlu minimal ali delegaţie a Romaniil’ei easti s-amintâ un numir di medalii adrat di dauâ cifri. “Aveamu ma ninti un sistem, cama spuni Morariu. Nu mata lu avemu şi nu avem bâgatâ ţiva tu loclu a lui”. Câţe nai ma marea parti a statilor ditu sfera di influenţâ sovieticâ di ma ninti s-pari câ trecu prit idyea crizâ di sistem şi di performanţâ sportivâ, presa faţi timbihia a oficial’ilor câ yinitoarea ediţie a JO, di Londra, poati s-aducâ unâ isapi ş-ma slabâ ali delegaţie româneascâ. Unâ glorie a atletismului di vâr chiro, românca Iolanda Balaş faţi timbihi, tu jurnalu “Evenimentul Zilei câ “Maca sportul nu va s-agiungâ prioritar ti guvernanţâ, la Olimpida di Londra, tu 2012, Romania poati s-cadâ pi unu nitin’isitu locu 40”. Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International