Radio Romania International

Arhiva :

TU ALUMTĂ CU INFLAŢIA ŞI SUPRAÎNGĂLDZAREA ALI ECONOMIE
(2008-08-05)
Atea dit soni aspuneari: 2008-08-05 13:29 EET Print
Banca Naţională ali Românii u rectificâ pi crişteari, di la 6 la 6,6 proţenti, prognoza ti indicili ali inflaţie pi întreglu an 2008. Aestâ după ţi meslu alunaru înreghistră un cipitu ali inflaţie di 9,1 – 9,2 tu sută andicra di meslu alunaru di anu. Prinţipalili itii suntu criştearea a pâhadlor la pârmâtiili agricoli şi a combustibililor, înregistrati tu întreaga lumi, cumu şi unâ xichi a forţâl’ei di lucru cari bagâ zori ti criştearea a tin’’ilor di cafi mesu ma ayon’ia di criştearea a productivitatil’ei a lucrului. Ta s-nu mata azburâmu di mărearea substanţială, ama cari nica nu easti duri, a pensiilor, icâ di tâxitili crişteri a tin’iilor di cafi mesu ţi agiunsi unâ adeti tu un an electoral. Guvernatorlu a bancâl’ei chentralâ, Mugur Isărescu, dzâsi câ icunumia easti supraîngăldzâtă şi că resursili financiari şi materiali suntu suprasolicitati. La prota videarui, unâ crişteari icuomică di 8 icâ ş-pisti 8 tu sută cât luyursescu specialiştil’i câ va s-aibâ România estan, pari s-hibâ unâ hâbari multu bună, ama ia câ nu easti tamam aşi. Mugur Isărescu: Prota ş-prota avem exţes di câftari evident. Criştearea icunomică easti pisti potenţial, icunomia easti supraîngăldzâtă, forţa di lucru s-aflâ cu tutu ma mari zori, easti zborlu ş-ti suprasolicitarea a resursilor financiarie, avemu şi suprasolicitări di resursi materiali. Prognoza ali inflaţie di 6,6 tu sută, ti işita a aiştui anu, easti thimil’iusitâ pi unâ luyurseari a pâhălui a petrollui di 140 di dolari pi baril. Macă slăghearea criştearil’ei ditu icunumia amiricană – ţi tora u duchimu şi tu icunumia europeană - va s-u ascadâ câftarea di petrol, s-poati aestâ poati infl;aţia poati s-hibâ ma n’icâ, di aţea ţi muinduiam noi” Alţâ doi factori favorabili potu s-hibâ un an agricol bun şi un cursu di alâxeari stabil. Banca Naţională nu excludi, ama, unâ ascâdeari a leului, macă va s-hibâ loati nali misuri icunomiţi cu caractir electoral. Unâ hâbari bună, ama ş-unâ slabâ, yinu di la agenţia di evaluari financiară Standard & Poor's cari li scădzu cu vârâ 10 proţenti şansili sâ s-facâ unâ recesiuni icunomicâ tu Românie. Agenţia dzâsi ş-câ piricl’iu bancar ari scădzutâ tu Românie di itia criştearl’iei şi ali profitabilitati tu acestu sector, ama aestu piricl’iu armâni ma mari aoa andicra di alti stati ditu zonă. Directorlu a Gruplui di Icunumie Aplicată, Liviu Voinea, nâ spuni câţe România easti tu aestă situaţie: „Câţe s-au datâ crediti paramulti şi cu para puţâni garanţii icâ cu garanţii cari, tu cazlu a unâl’ei crizâ, nu va s-poatâ s-hibâ recuperati la valoarea a lor nominală. Dapoia, sistemlu bancar easti multu dependentu di trei sectoari şi dimi: construcţiili, serviciili şi reteilu, ama cari, ş-eali suntu paraâmprumutati.” Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International