Radio Romania International

Arhiva :

SIMNALI ECONOMIŢI NU PARA BUNI
(2008-07-31)
Atea dit soni aspuneari: 2008-07-31 13:45 EET Print
Român’il’i au loatâ di hâbari, di ândoi an’i, ţi easti creditlu, maxusu aţelu ipotecar, şi ahurhirâ s-l’ia tutu ma mări âmprumuturi di la bănchili comerciali cari daima caftâ noi muştiradz. Ta s-amintâ câtu ma mulţâ, banchili li lişurarâ tutu ma multu condiţiili ţi aeşti prindi s-li umplâ ta s-lâ da crediti. Banca Naţională ali României feaţi timbihi di ma multi ori s-aibâ angâtanu şi lo şi nâscânti misuri, ama s- pari că, până tora, aesti nu para avurâ sucţes. Să aduţemu aminti, maş că di toamna ţi tricu banca chentrală lu criscu di şasi ori aradha toclu di politică monetară, crişterli cumulati hiinda di trei puncti proţentuali, di la 7% la 10%. Di aestâ itie, creditli s-feaţirâ cama scumpi, ama român’il’i nica alagâ pi la bănchi ta si-împrumutâ, ş-bănchili nica lâ da pâradz para lişor. Tamam tu momentul cându Fondul Monetar Internaţional fâţea timbihi tu unu ratportu ia că piricl’iu di tindeari a crizâl’ei di pi pâzarea a creditilor ipotecari pi nivel mondial nica easti pi unu nivelu analtu, cum şi slâbinţa a pâzărlor financiari, Banca Naţională ali României apufusi sâ l’ia diznou misuri. Aşi, tu condiţiili tu cari majoritatea a bănchilor aproachi rati di până la 70% ditu amintaticlu a muştiradzlor, aestu nivel va s-hibâ ascâdzutu multu ti creditli dati tu valută, maxusu tu monedi exotiţi. Dapoia, ti ti bâgarea mărdzin’i a piricl’iului di supracreditari a dun’iauâl’ei, bănchili nu mata va s-l’ia tu isapi adeverinţa di la lucru a muştiradzlor cu tin’ia di cafi mesu icâ alti ahtări, cari potu s-hibâ multu lişoru criscuti icâ falşificati, ama va s-l’ia tu isapi amintatiţi cu nai multu cu cel mult 20% ma mări di aţeali spusi la Fisc, tu anlu di ma ninti. Aşi, şi netea s-facâ fraudă fiscală prit declararea di amintatiţi ma n’iţ va s-ascadâ. Nalili reglementări furâ bâgati fondul a unâl’ei crişteari di primansusu a tin’iilor di cafi mesu a lucrâtorlor ş-ali inflaţie cari criscu ş-ea di aestâ itie. România easti singura vâsilie ditu zona a l’ei geografică tu cari criştearea procentuală ali tin’ie di cafi mesu easti ma mari di 20%, ş-aţea ali inflaţie s-aproachi di 10%. Guvernanţâl’i au datâ hâbari ti nali crişteri a tin’iilor di cafi mesu şi a pensiilor. Analiştil’i, ama dzâcu câ aestâ nu va s-aducâ unâ scâdeari ali inflaţiei, câ dipu al’iumtrea. Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International