Radio Romania International

Arhiva :

PERSPECTIVI EUROPEANI TI AGRICULTURA ROMÂNEASCÂ
(2008-07-16)
Atea dit soni aspuneari: 2008-07-16 12:48 EET Print
România şi alti ândauâ stati emergenti au câftatâ, la reuniunea di Bruxelles a Consiliul ti Agricultură şi Acâţari Peşti, criştearea, ahurhinda di anlu ţi yini, a sumvenţiilor ti fermieri şi darea nanaparti a dhiafuralilor anamisa di fondurili ţi li l’ia statili nali şi aţeali vecl’i, membri ali Uniune. Ministrul român ali agriculturâ, Dacian Cioloş, spuni că Bucureştiul va s-yinâ sugestiili a lui: „Noi va s-yinimu cu nâscânti pripuneri ti unâ cali di mesi, vahi di toamnâ, tu situaţia tu cari va sâ s-agiungâ la concluzia câ nu poati s-hibâ alâxitu bugetlu ta s-anvâleascâ aestâ dhiafurauâ nica di aqnlu ţi yini. Va s-yinimu cu nâscânti soluţii ta s-putemu s-dămu, eventual di anlu ţi yini, subvenţii niheamâ ma mări a agricultorlor.” Tu andamusi fu azburâţâ şi ândilicata problemâ a triţearil’ei unâ parti ditu subvenţia di tora directâ ti agricultură la capitolul dezvoltari ruralâ. România nu pati s-amintâ unu ahtari transfer ninti di 2013, cându va s-agiungâ la idyiul nivel di subvenţii cu vecl’ili vâsilii membri, ama tu principiu nu easti sinfunâ cu aestâ triţeari, cari poati s-aducâ nali mintireaşi tu Sistemlu Integrat di Administrari şi Control. Tut a Bruxelles, Dacian Cioloş, ministrul român ali agriculturâ câftâ şi lundzearea ti nica doi an’i, dimi până tu 2016, a chirolui di tranziţie tu cari condiţiili cari mutrescu ghineaţa a prăvdzâloru va s-hibâ ananghi s-hibâ tin’isiti şi di agricultorl’i român’i, aestâ lundzeari easti ananghi ta s-poatâ s-adarâ investiţiili lipsiti. Elu dzâsi câ easti ananghi criştearea cu chirolu a nivelului a cotilor di lapti şi nica ş-unâ dari nanaparti a lor tu yinitor. Tutunâoarâ, lipseaşti s-hibâ bâgatu pi aradhâ un sistem di compensari a criscătorlor di prăvdzâ ditu zonili di munti tu condiţiili tu cari producţia di lapti s-duţi câtâ zona di câmpu. Turnânda la sumvenţii, s-aduţemu aminti că până tora furâ soluţionati ma multu di 1.200.000 di dosari ti pâltearea directâ câtâ agricultorl’i român’i. Ama ministrul ali agriculturâ dzâţi câ: „Ari nica vârâ 40.000 di dosari cari lipseaşti s-hibâ pâltiti şi cari, tu mari majoritati, suntu liegati di controlu prit teledetecţie; aoa avumu amânări. Am câftatâ ali Agenţiei di Pâlteri s-ayun’iuseascâ aest proces, li-am câftatâ sâ-n’i dzâcâ ţi misuri au tu plan ti contractorl’i cari au dezvoltatâ softul şi cari au nai ma marli stepsu ti aesti amânări. Avemu umuti veara aestâ s-lomu nâscânti misuri aşi câ tu an’il’i ţi yinu agricultorl’i s- nu mata tragâ.” S-adâvgămu ama câ, Doxa al Dumnidză, aestâ amânari nu aduţi dupu ea scâdearea a sumvenţiilor, cumu vrea s-avea adratâ macă România nu vrea s-avea ascâpatâ di activarea ali clauzâ di salvgardari, cari vrea-l’i aduţea chirearea a 25% ditu pâradzl’i comunitari. Autor: Mihai Radulescu Armnipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International