| Romania - Franta, unâ ligâturâ ți s-aleadzi |
| (2008-07-15) |
| Atea dit soni aspuneari: 2008-07-15 15:09 EET |
65 di aeronavi francezi și ditu Uniunea Europeană, di cari și un MIG 21 românescu, au azbuiratâ pi țerlu a Paris-lui, ti Dzuua Naționalâ ali Franțâ - 14 di alunar. Dupu defilarea aeriana s-feați parada militarâ dizvârtitâ pi cunuscutlu bulevard Champs Elysée, tu prezența a ma multu di 40 di lideri, participanțâ, ma ninti, la sommet-ul di lansari ali Uniuni ti Mediterana. Anamisa di aești și prezidentul ali Românie, Traian Băsescu. Tu turnata tu vâsilie, iu, fu yiurtusitâ ș-aoa sârbâtoarea ali Franțâ, șeflu a statlui român lu spusi diznou apelul ti firmili ditu Românie di ta s-facâ investiții tu zona mediteraneană: Easti ândreptu un cadru excepțional ași câ firmili românești cari au adeti tu operațiuni tu stati africani să s-toarnâ pi aesti pâzări, aestâ oarâ tu un mediu sigur, un mediu garantat di UE, nutrul a aiștui parteneriat cu numa "Uniunea pentru Mediterană". Unâ yiurtie ali egalitati, a fraternitati, ali libirtati și ali sutâlie dzâsi ambasadorlu ali Franțâ la București, Henri Paul, ti manifestărili organizati Bucuresti, cum și Timisoara, tu vestul ali vâsilie, di ti Dzuua Naționalâ ali Franțâ. Premierul Călin Popescu Tăriceanu adusi aminti ligâturli istoriți anamisa di dauâli vâsilii, cum și viziunea comună ti yinitorlu UE ș-dzâsi câ Dzuua Națională ali Franțâ reprezintă unâ bunâ itie s-hibâ adusu aminti traseul european comun a dauâlor vâsilii, qahurhitu unâoarâ cu ândruparea datâ a Principatilor Români di Napoleon l III-lu: Easti un arcu pisti chiro cari nchiseaști pornești di la Unirea Principatelor Române, pritu ândruparea energică vinitâ di partea alu Napoleon III-lu. Easti unu arcu învârtușatu tu momenteli greali ali istorie a secului ți tricu, un arcu ligatu prit Marea Uniri ți s-feați aoa ș- 90 di ani. Premierlun zburâ ș-ti ligâturli icunomiți și culturali anamisadi dauâli vâsilii și, tu aestu contextu, deadi hâbari câ executivlu român va s-ândrupascâ adrarea a unui nou liceu francez București, ti cari va s-da terenlu di cari easti ananghi ti construcție. Ligâturli anamisa di dauâli stati furâ adusi aminti ș-di ambasadorlu francez la București, cari sumcundilie câ România ândrupaști prioritățli ali Franțâ la Președinția a Consiliului ali Europâ: S-u bâgămu Europa tu frâmtea ali alumtâ contra a alâxerlor climatiți, prit unâ ma bunâ securitate energetică, să-ndridzemu unâ nauă politică agricolă comună tu contextul a crizâlei alimentarâ mondialâ și unâ politică di imigrații comună, hâirlâticâ și ghini minduitâ. Știm că prioritățli ali Franțâ s-uidusescu tu mari misură cu ațeali ali Românie. Știm că vâsilia a voastrâ vini cu unu punctu di videari multu sânâtosu și-ari adusâ unâ bunâ contribuție tu faza a discuțiilor cari s-feațirâ ti ndridzearea ali Prezidenție francezâ.
Autor: Corina Cristea
Armânipsearea: Irina Paris
|
2025-04-03
Print
Puteț s-avdzâț căndțido