Radio Romania International

Arhiva :

Partidili politiţi după alidzerli locali
(2008-07-13)
Atea dit soni aspuneari: 2008-07-13 16:55 EET Print
Unda seismica post-electorală cari trunduiaşti partidieli romaneşti agiunsi la PSD (opozitia di nastânga). Niifhâristisearea andicra di rezultatili a nâscântor filiali ditu vâsilie la alidzerli locali di meslu ţi tricu fu unâ excelentâ itie ti pâltearea a conturlor interni. Simnalu lu deadirâ liberal’i di la guvernari. Aspirantu la şefia a partidlui, ama candidat di maş 10 proţenti la Primăria ali Capitalâ, ministrul a transporturlor, Ludovic Orban, fu obligat di premierlu Călin Popescu Tăriceanu s-u alasâ şefia ali organizaţiei PNL Bucureşti. Tu aradha a lui, PD-L (opozitia pro-prezidenţialâ) l’i avină nâscânţâ lideri ditu provincie cu scoruri sum media naţională. Iara şeflu ali organizaţiei bucureşteanâ, Vasile Blaga, a demisionă cu volea a lui, câţe chiru pierdut, turlu doi, cursa ti Primărie. Marţâ, şi aţel’i di ma ninti ministri ditu chirolu 2000 -2004 şi actual’i viceprezidenţâ social-democraţ Ioan Rus şi Vasile Dâncu, cum şi aţelu dima ninti pâzârâpsitor şef ali României cu UE, Vasile Puşcaş, au demisionatâ di tuti funcţiili ţi li avea tu partid. Treil’i au preţizatâ că va s-arãmâna membri di aradhâ a PSD şi dzâsirâ câ va u promoveazâ ninti vor social-democraţia modernă, di turlie vestu-europeanâ. Deţizia yini dupâ ţi liderl’i a PSD-ului au apufusitâ dizolvarea a cumânduserlor a filialilor cari au amintatâ un scor di sum 20% la locali, inclusiv a aţil’ei di la Cluj (chentru), iu suntu membri demisioneril’i. Liderlu PSD, Mircea Geoanã, dzâsi câ taha easti nvirinatu di vgarea a loru: “Avem lucri ma importanti cari nâ adunâ dinclo di niţli problemi cari pot s-iasâ tu migdani tu unu momentu icâ altu. El’i suntu oamin’i cari li ndrupăscu valorli social-democrati. Di punctu di videari a rolurlor tu partid, suntu ghiniviniţ şi di aoa şi-nclo s-lucreadzâ ti ghineaţa a partidlui. Aestâ easti bana. Atunţea cându easti ananghi ti unâ analiză a performanţilor a unui partid, sentimentili prindi sâ s-tragâ nanaparti şi s-facă loc ali raţiuni.” Comentatoril’i luyursescu ama câ, demisiili a gruplui di Cluj u slâghescu poziţia a prezidentului PSD, câţe al Rus l’i-easti borgi ti işişi funcţia ţi u amintă. La congreslu extradordinar ditu 2005, el putu s-lu impunâ pi Geoanâ ca lider lucru ţi nu-l vrea fondatorlu a partidlui, şeflu di ma ninti a statlui, Ion Iliescu. Tora, scorlu slab di la locali a filialilor ditu Transilvania, iu stanga nu fu canâ oarâ ghini aprucheatâ, âli deadi alu Iliescu, azâ maş prezidentu di tin’ie, şansa ş-u scoatâ ahtea ti tuţ an’il’i tu cari clujen’il’i tutu âl’i bâga stepsu câ ari armasâ tributar a mentalitatil’ei di activistu comunistu. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International