Radio Romania International

Arhiva :

PÂZÂRÂPSERI ANAPARTI DI ARÂULU PRUT
(2008-07-08)
Atea dit soni aspuneari: 2008-07-08 13:32 EET Print
După ma multu di doi an’i, aieri s-feaţi prota vizită oficială a unui ministru român t politica cu xeanili tu Ripublica Moldova ex-sovietică şi majoritar românofonă şi avea nâscânti nâdii că aestâ va s-agiutâ ti dizgl’iţarea a ligâturlor bilaterali. Giudicânda ama,după declaraţiili a şefan’ilor a aţilor dauâ diplomaţii, cari par să scoatâ tu migdani câ cafi unu ari zburâtâ tu andamusea ţi u au avutâ ti lucri dipu ahoryea, aestă aştiptari nu s-feaţi alithea. S-lu asculktămu prota pi ministrul roman, Lazăr Comănescu cari ş- urnipsea omologlu: „S-dăm atenţie inclusiv ti unâ ma sânâtoasâ dezvoltari a raporturlor pi nivel di întreprinderi n’iţ şi di mesi, la realizarea di proiecti comunie, eventual pritu trâdzearea ş-a altor parteneri ditu alti stati membri ali Uniunii Europeanâ tu proiecti ligati di ândridzearea ali Republicâ Moldova ti Uniuni - agricultură, infrastructură, securitati energetică. Ia şi fragmentul esenţial ditu declaraţia alu Andrei Stratan, ministru ti politica cu xeanili, oficial avizat al regimului comunistu di Chişinău: „Avemu apufusitâ s-li duţemu ninti discuţiili, s-lu duţemui ninti dialoglu, ti identificarea a soluţiilor aţilor problemi cari nica existeadzâ şi himu cândâsiţ convinşi că pisti puţân chiro aestu lucru va-lu fâţemu cu sucţes.” Stratan zburaşti ti chestiunili ţi suntu nica tususpensie tu redactarea a Tratatlui Politic di Bază anamisa di România şi Ripublica Moldova şi a Tratatlui di Sinuru. Unâ di aesti, tu ţi limbă suntu redactati aesti documenti. Câţe , aşi cumu nâ spuni analistul Dan Dungaciu: „Statlul român nu pricunoaşti existenţa a limbâl’ei moldoveneascâ şi nu ari cumu s- pricunoască existenţa ali inexistentâ limbâ moldoveneascâ tu unu ahtari tratatu importantu. La ţi soluţii va sâ s- agiungâ, tehnic zburânda, nu ştiu desi putemu s-dăm unâ apandasi tora. Fârâ di altâ nu putemu. Putemu maş s-avemu nâscânti idei.” Iara JURNALUL NAŢIONAL, tu sinfunie cu alti jurnali di Bucureşti, ângrâpseaşti că „aştiptată cu suflitlu la gură, prota ântrivideari anamisa di miniştril’i ti politica cu xeanili român şi moldovean după doi an’i tu cari nu şi-au triecutâ praglu şi s-andâmusirâ maş tu xeani, pi , li bâgă ş-ma multu tu neguri chestiunili ândilicati a ligâturlor bilaterali. Aşi-numâsitlu dizgl’ieţ" nu s-feaţi. Vizita nu adusi ţiva nou tu ligâturli moldo-româneşti, ama ş-u adusi ma multu cu unu inventar a problemilor di pânâ tora. Em Comănescu, em Stratan s-afirirâ, ufilisinda unâ diplomaţie âncârfâsitâ, s-da apandasi limbidz la întribări limbidz, şi s-chirurâ tu generalităţ. Nu au datâ niţi nai ma slaba informaţie ti vârâ progres tu sensul agiundzearil’ei la unâ acâchiseari mutrinda simnarea a aţilor dauă importanti documenti ti ligâturli bilaterali.” Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International