Radio Romania International

Arhiva :

România iasi ditu Euro 2008
(2008-07-02)
Atea dit soni aspuneari: 2008-07-02 15:26 EET Print
Reprezentativa di fotbal ali Românie nu amintă calificarea tu cirecurli di finală a Campionatlui European di fotbal, ţi s-dizvârteaşti tu Elveţia şi Austria. Tricolorl’i işirâ pi loclu 3 tu antriţerli ditu grupa C, dupu Olanda şi Italia, ama nintea ali Franţâ. Tu mecilu ditu soni, elevl’il a antrenorlui Victor Piţurcă,chirurâ partida Berna, dinintea ali Olandâ cu 0 la 2. Tu idyiul chiro Zurich, Italia u bâtu Franţa cu 2-0. Tu mecilu cu România, batavl’i au ufilisitâ ma multi rezervi, câţe ş-avea asiguripsitâ calificarea după protili dauâ agiocuri. Olandejl’i giucarâ relaxat, fără s- da impresia că s-deapirâ multu, ş-pota repriză canda eara unu agioc amical. Tu daua, Olanda bâgă dauâ goluri, ş-fu ma bunâ la tuti capitolili. Român’il’i nu s-apruchearâ di multi ori di poarta a adversarlor, ş-nu puturâ s-ândreagâ aproapea ţiva. Ataca nu para s-duchi, em câţe Adrian Mutu nu spusi canâ inspiraţie, em di itia a formâl’ei slabâ a alântoru agiucâtori cu sarţin’i ofensivi, cumu Marius Niculae icâ Daniel Niculae. Singurlu cari şi-feaţi lucurlu cumu lipsea fu “maratonistul” Bănel Nicoliţă, ama pidimolu a lui sâ scoatâ baloani cătâ terenlu olandez fu âmbudyiusit di apărarea exactă a elevilor alu Marco Van Basten. Ti jali ama, aieri nu lucrâ ghini niţi apărarea. Ângrică multu absenţa alu Mirel Rădoi, accidentat, şi alu Dorin Goian, suspendat ti cumul di cârtichi galbini. S-lu ascultămu pi fundaşlu Cosmin Contra, ti TVR: (TRACK 128) “Obiectivlu a nostru eara s-nu lom gol şi, pi contraatac, s-nâ alumtămu ti ocazii di gol. Avumu nai ma marea ocazie pritu Paul Codrea. Deftura repriză ahurhimu niheamâ ma slabu, el’i bâgarâ gol şi, sigura, aclo s-arupsi meciul.” Îdyea ânvirinari u spusi si antrenorlu Victor Piţurcă, tu declaraţia ti televiziunea publică: (TRACK 129) “Un turneu muşatu. Aveamu yisi mări… Puteam s- nâ calificăm. Puteam să intrăm tu istorie cu aestu bârnu cari nu avea amintatâ alti calificări. Şi, sigura, eara unâ şansâ s-nidzemu ma diparti.” Ma diparti neadzi ama Italia, cari u antricu categoric Franţa, cu 2-0, şi mintă patru puncti. Ti România, isapea easti ama tin’isitâ. Dauâli remizi cu Franţa, vicecampioana a lumil’ei, şi Italia, campioana mondială, suntu rezultati muşati ti unâ echipă cari eara luyursitâ curbani sigură tu aestâ “grupă a moartil’ei”. ---------

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International