Radio Romania International

Arhiva :

CÂTÂ UNÂ CRIZÂ MONDIALÂ A PÂHADZLOR
(2008-07-02)
Atea dit soni aspuneari: 2008-07-02 15:21 EET Print
Ti român’i, 1 di alunaru fu unâ dzuuâ laie. Intrarâ pi lucru crişteri di pâhadz la energie electrică, cu 4,4 %, si la gazi naturale, cu 12,5 %, ş-aestâ va s-aducâ tu şcurtu chiro ş-unâ scuncheari a mâcărlor. Ş-canda nu agiundzea aesti tu idyiul chiro criscurâ accizili, dimi ş-pâhadzl’i, la ţigări ş- birâ. Tu idyea dzuuâ , prezidentul Traian Băsescu s-adună cu lideri a partidilor parlamentari icâ reprezentanţ a loru cu scupolu s-ândreagâ unâ strategie internâ ta s-bagâ mardzinâ la consecinţili sociali a majoraril’ei a pâhadzlor. S-vâ spunemu ş-câ la aesti discuţii nu vinirâ, pi ninga alţâ, prezidentul a Partidului Naţional Liberal, Călin Popescu Tăriceanu, cari easti şi prim ministru, cumu şi Mircea Geoană, şeflu a principalului partid di opoziţie, aţelu social democrat. S-aduţemu aminti ândauâ di soluţiili avansati. Uniunea Democrată a Maghiarilor ditu Romanie, participantă la guvernari, pripuni economisirea ali energhie prit izolarea termică a casilor, cumu şi reorganizarea ali agriculturâ. Partidlu Democrat-Liberal insistă pi criştearea ali tin’ie minimâ pi economie şi a agiutoarielor ti îngăldzarea a locuinţilor, câftari ndrupatâ ş-di conservatori. Social democraţl’i pripusirâ scâdearea a accizilor la motorină şi ndruparea cu pâradz a agricultorlor. Iara Partidlu România Mare câftă susto alâxearea a guvernlui, cumu şi darea nanaparte ali cota unicâ di impozitari. Di alantâ parti, ministrul ali economie, liberalu Varujan Vosganian dzâsi câ câţe tin’iili di cafi mesu criscurâ tu Românie cu 24 % şi pensiili cu 60 %, oamin’il’i au cu ţi s-anvâleascâ evoluţia a pâhadzlor. Sindicatili nu suntu ici sinfuni cu ministrul, iara preziodentul a Cartellui Alfa, Bogdan Hossu, declară: „Videmu câ tendinţa easti s-facâ ditu persoanili activi, dimi lucrătorl’i ditu Românie, ditu persoani cari s-hibâ generatoari di pârmâtii tu general, si ditu ândrupari ti el’i şi familiili a loru, nâscânţ oamin’i agiutaţ, lucru ţi nu-n’i pari unâ politică corectă andicra di igsearea a axiil’ei ţi u ari lucrul a insului. Ân’i si pari complet anormal ca lucrâtorlu s- nu poată, pritu lucurlu ţi-lu faţi, ş-u tânâ familia cu aţeali luipsiti tu bana di cafi dzuuâ.” Factul câ român’il’i nu suntu singurl’i cari prindi s-tânâ cheptu a scunchearil’ei ali energhie şi alimentilor nu easti ti mini unâ lişurari.Marţâ, Fondul Monetar International, feaţi timbihi că easti piricl’iu s-ânchiseascâ nâscânti crizi financiari pi nivel mondial di itia a pâhadzlor mări la petrol şi mâcari. Şi advgâ câ, ti România, aeşti pâhadz va s-facâ s-creascâ xichea di contu curentu cu 0,6 puncti procentuali. Tu aesti condiţii, jurnalu GANDUL pistipseaşti câ andamusea di Bucureşti a şflui a statlui cu partidili parlamentari easti maş „Un concursu di demagogie”. Autor: Mihai Radulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International