Radio Romania International

Arhiva :

NATO şi Europa
(2008-07-01)
Atea dit soni aspuneari: 2008-07-01 13:43 EET Print
La trei meşi di la summitlu NATO di Bucureşti, prezidentul român Traian Băsescu feaţi unâ vizita la sediul ali Alianţâ di Bruxelles, ta s- mutreascâ deadunu cu secretarlu general ali organizaţie, Jaap de Hoop Scheffer, evoluţiili tu dosarli analizati atunţea. La bitisita a lâcârdiilor, şeflu a statlui român declară: ”Deadunu vidzumu câ summitlu NATO di Bucuresti fu un summit cari avu substanţâ şi prefigurează noulu NATO. Substanta u feaţirâ deţiziili loati şi nalili misiun’i cari s-prefigureadzâ ti NATO, avânda tu videari nalili fuvirseri la adresa ali securitati a statilor membri NATO. Vahi organizarea a summit-lui Bucureşti avu, dinclo di haraua ti România, şi semnificaţia a importanţâl’ei a Balcan’ilor di Vestu, ali Amare Laie şi a tindearil’eii câtâ Estu ali Alianţâ”. Tu aradha a lui, Jaap de Hoop Scheffer preţiza: “Tu andamusea bilateralâ ţi u avuiu cu prezidentul Traian Bãsescu avemu zburâtâ temi mutrinda misiunili şi operatiunili NATO şi s-vidzu implicarea activâ ali Românie tu Afganistan si Kosovo. Avemu zburâtâ ti tindearea NATO, ti reghiunea ali Amare Laie, cum şi ti situaţia ditu Balcan’l’i di Vestu şi perspectivili di integrari a aiştei zonâ.” Doil’i oficiali au sumcundil’iatâ câ politica di apărari a UE (ESDP) nu easti concurentâ aţil’ei promovatâ di Alianţa Nordu-Atlanticâ, câ complementarâ. UE lipseasti ş-li dwezvoltâ capacităţli a l’ei di garantari ali securitati, ş-unâ bunâ cooperari anamisa di dauâli organizaţii va s-garanteazâ sucţeslu. Băsescu cama dzâsi câ tu chirolu ţi yini lipseaşti s-hibâ datâ unâ atenţie ahoryea s[punearil’ei limbid a Parteneriatului NATO-Rusia, ti ânvârtuşearea ali securitati europeanâ şi internaţionalâ, cari cari s-aibâ la thimel’iu unu dialog coerentu şi transparentu. Dupâ pârearea a prezidentului român, unâ dumeni tu cari aestu parteneriat poati ş-u şpunâ axia easti aţelu di controlul armamentilor tu Europa, cu tuti câ tora di oarâ ari dhiafurali tu turlia di abordari anamisa di dauâli părţâ. Pi di altâ parti, Băsescu dzâsi iara câ România ş-u ţâni politica di nipricunuşteari a independenţâl’ei Kosovo, câ nu va s-participâ la adrarea a construirea instituţiilor a noului stat, ama va s-ândrupascâ şi di aoa şi-nclo acţiunili dizvârtiti pi baza a rezoluţiilor a Consiliului di Securitati al ONU. Tu aţea ţi mutreaşti summitlu NATO di anlu ţi yini, prezidentul Bâsescu declară (track): “ Summitlu yinitoru, iu suntu nicuchiri Franţa şi Germania, va s-ilustreadzâ, inclusiv prit simbolismul ali locaţie, vocaţia NATO di reunificari ali Europâ, cumu şi faptulaţea câ tandemlu franco-ghirmanu poati s-hibâ nu maş unu motor ali integrari europeanâ, câ şi unu catalizator ali coperãrii transatlanticâ tu Aliantâ. Avemu nâdie câ 60-a yiurtuseari ali Alianţâ s-â s-tihiseascâ unâoarâ cu adrarea diznou ali familie militarâ a NATO, marcatâ prit turnarea ali Franţâ tu structurli militari ali Alianţâ.” Autor “: Andreea Bojoi Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International