Radio Romania International

Arhiva :

Provocari ali construcţii europeanâ
(2008-06-20)
Atea dit soni aspuneari: 2008-06-20 11:01 EET Print
Şefan’l’i di stat şi di guvernu ditu statili membri UEI adunaţ ti dauâ dzâli, Bruxelles, la Consiliul di Vearâ, caftâ s-aflâ soluţii dupâ niapruchearea tu Irlanda a Tratatlui di Lisabona di reformâ li Uniuni. Liderl’i europen’i voru ca proţeslu di ratificari a documentului di aţeali 27 di stati membrie, din cari 19 lu feaţirâ lucurlu , inclusiv Romania, sâ s-bitiseascâ pân di işita a anlui 2008. România easti reprezentatâ la aestu summit di prezidentul Traian Băsescu şi premierlu Călin Popescu –Tăriceanu. Ninti s-fugâ şeflu a statlui român declară : track: ' Noi va s-ândrupăm ideea câ easti ananghi s-hibâ aflati soluţii, aşi ca tratatlu s- intrâ pi lucru ninti di alidzerli europarlamentari ditu meslu cirişaru 2009. Cumu ţi s-hibâ, noi nu luyursimu situaţia la cari s-agiumsi pritu nieratificarea a tratatlui tu Irlanda ca hiinda unâ situaţie di crizâ'. Premierlu Tăriceanu luyursea ş-elu câ Tratatlu di Lisabona nu lipseaşti s-hibâ datu nanaparti. Elu sumcundil’e câ România va s-armânâ unâ di vâsiliilii cari va s-ândrupascâ ânvârtuşearea a proiectului european şi a UE. Prezidentul ali Comisiei Europeanâ, Jose Manuel Barroso, declara câ aestu summit prindi s-demonstreazâ câ votlu defavorabil irlandez nu easti unâ cu chirearea ali Europâ unitâ. Alti temi importanti pi aghenda a Consiliului European mutrescu impactul crişearil’ei pi nivel mondial a pâhadzlor la alimenti, petrol şi energhie. Şeflu a executivlui di Bucuresti ari precizatâ câ efecteli suntu duchiti em tu statili ditu reghiunili oarfâni, cari s-alumtâ cu unâ mari xichi di mâcări, cumu şi nuntrul UE. Tăriceanu dzâsi câ Romania va s-pripunâ misuri ti scâdearea a impactului criştearil’ei a pâhadzlor la aesti pârmâtii anamisa di oamin’il’i ftohi. Tutunâoarâ track: 'Romania va s-pripunâ includerea tu documentul final a Consiliului armânearea pi lucru a modellui agricol european, inclusiv asiguripsearea unâ scuteari agalea, ayalea a sumventiilor ti producţtia icâ ti culturli cari au ca destinaţie finalâ biocombustibil’i şi, pi di altâ parti, criştearea ali productivitati la pârmâtiili agricoli di bază'. Tora ayon’ia comisarlu european ti energhie, Andris Pielberg, luyursea câ implementarea câtu ma ayon’ia ali stratehie energheticâ ali Uniuni Europeanâ va s-ducâ la scâdearea a ufilisearil’ei a petrollui şi la triţearea pi sursili regenerabili. Autor: Theo Cristez Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International