Radio Romania International

Arhiva :

Alidzerli locali, rezultati şi concluzii
(2008-06-17)
Atea dit soni aspuneari: 2008-06-17 15:31 EET Print
Dupu bitisearea a doilui tur a alidzerlor locali ditu Romanie, partidili facu isăchi şi pâzârăpsescu. Ufilisinda unităţ di misurâ ahoryea, prinţipalili dauâ formaţiun’i ditu opoziţie – PD-L (pro-prezidential) şi PSD (stânga) – s-declarâ cafi unu amintâtoru. Pedeliştil’i invoca numarul absolut di voturi obtinuti la consiliili judetene, in schimb pesediştil’i aducu aminti câ li ţânu nai ma multili funcţii di prezidenţâ di consilii judeţeni ş-di primar. Ca unâ apandasi, PDL dzâţi câ ari amintatâ primăriili di nai ma mulţâl’i câsâbadz mări, reşedinţâ di judeţ. Chiru, ama, Bucureştiul, dinintea alu Sorin Oprescu, independentu dizidentu ditu PSD, partidu nivrutu di daima di electoratul ali capitalâ. Rezultatili di la locali bâgarâ pi treia poziţie partidlu a premierlui Călin Popescu-Tăriceanu, câţe liberal’i au amintatâ un scor cari spuni unâ ânvârtuşari pi sţena politicâ. Jurnalistul Dan Tăpălagă faţi unâ analizâ a reconfiguraril’ei ali sţenâ politicâ ditu Romanie dupâ alidzeri, şi minduioaşti la posibilili sutâl’i: “Avdzâmu ş- di la PSD, ş-di la PNL câ mărl’i chirei a aiştor alidzeri li avurâ Traian Băsescu şi PD-L. Aoa pistipsescu câ lucâli suntu multu ma ndilicati şi ţânu di criteriul di igseari , di datili la cari nâ raportămu. Maca PD-L l’ia tu isapi sondajili di opinie, cari dişcl’idea unu horizontu di aştiptari multu ma optimistu, atunţea, sigura câ au chirutâ. Maca l’ia tu isapi la cifrili di aoa ş-patru an’i, atunţea s-veadi unâ crişteari. Idyiul lucru putemu s-lu spunemu ş-ti PSD: maca l’ia tu isapi sondajili, easti dipu al’iumtra, dimi ari amintatâ, tu sensul câ sondajili spunea unu scor ca n’ic, 22%-24% ti PSD. Ama, ia câ agiundzi la aproapea 28%-29. Ama, maca idyiul partid, dimi PSD, l’ia tu isapi la cifrili di aoa ş-patru an’i di dzâli, atunţea va s-videmu câ nu ari amintatâ mari lucru, dipu al’iumtrea, putemu s-azburâmu ti unâ chireari, cu ahântu ma multu cu cât PSD easti tu opoziţie, loc di iu, di aradâ, partidili crescu. Ligatu di suţâl’i, pistipsescu câ lucârli imnâ tu unâ direcţie limbidâ: izolarea PD-L şi unâ aglutinari a forţilor politiţi anamisa di liberal’i, social-democraţ, conservatori”. Ligatu di aţeali ţi s-feaţirâ Bucureşti, comentatorlu politic Bogdan Chireac luyurseaşti câ s-deadi un vot di blam ti ântreaga clasâ politicâ, şi tu perspectiva alidzerlor parlamentari, rezultatili amintati u relanseazâ multu sânâtosu cursa electoralâ: “PSD şi PD-L suntu umir la umir tu aestu moment u- PSD pi crişteari andicra di PD-L ţi fu azvimtu Bucureşti. Aestu lucru va u facâ multu sertâ campania di aesţâ toamnâ. Ma multu, prezidentul Traian Băsescu, personal, chiru ş-elu ditu puteari unâoarâ cu chirearea a Bucureştiului. Aestu lucru ama nu lipseaşti sâ-l’i facâ alanţâ politicien’i s-lucreadzâ ma puţânu, câţe Traian Băsescu, atunţea cându easti aguditu, atunţea lu acaţâ yinatea şi cilâstâseaşti ma multu. Practic di aoa şi-nclo elu va s-ufiliseascâ tuti turliili spectrul di tactiţ ta sâ-şi aducâ partidlu la guvernari”. Autor: Corina Cristea Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International