Radio Romania International

Arhiva :

NUMTA VÂSILICHEASCÂ DI DHIAMANDZÂ
(2008-06-11)
Atea dit soni aspuneari: 2008-06-11 14:51 EET Print
Majestăţli a Lor, Vâsil’elu Mihai I ali României şi nicuchira a lui, Vâsil’ioan’ia Ana ( hil’ia a pricipilui di Bourbon-Parma ş-ali principesâ Margareta ali Danemarcâ) sârbâturisescu 60 di an’i di la ncurunari tu vâsilia cari lâ eara interzisâ ma multu di patrudzăţ di an’i. Numta di dhiamandzâ easti sârbâturisitâ chiro di trei dzâli, Bucureşti şi la pâlatea vâsilicheascâ di Sinaia (chentru), prit manifestări dişcl’isi a publiclui şi privati. N’iercuri, la Ateneulu Român di Bucureşti, pâreacl’ia vâsilicheascâ ari participatâ la un concertu extraordinar ândreptu ti aniversarea ali ncurunari, iara la Muzeulu Naţional di Istorie di Bucuresti fu programatâ lansarea a volumlui “Numta di dhiamandzâ ”, ângrâpsitu di principesa Margareta şi di nicuchirlu a l’ei, principili Radu. Anamisa di invitaţ ari membri a 14 di familii vâsilicheşti europeani, ântrâ cari vâsilioan’ia Sofia ali Spanie, vâsilielu Simeon II lu şi vâsilioan’ia Margareta ali Vâryârie, vâsilielu Constantin II lu şi vâsilioan’ia Ana-Maria ali Gârţie, principeli Lorenz şi arhiducili Karl ali Austrie. Vâsilielu şi vâsilioan’ia s- cunuscurâ Londra, tu 1947, cu ocazia ncurunaril’ei ali principesâ Elisabeta a II ali Mari Britanie cu Philip, ducei di Edimburgh. Vini dapoia, sumu zorea bâgatâ di comuniştil’i pro-sovietiţ, abdicarea a Vâsilielui ali României, la 30 di andreu 1947, ncurunarea a doilor suveran’i, dupâ unu anu dupu cari vini un lungu exil. Turnarea tu vâsilie a suveran’ilor eara tu ahurhita a an’ilor 1990, unâ di temili chentrali ali alumtâ politicâ di tranziţie. Miza agiumsi ahântu mari câ majoritatea a partidilor, nafoarâ di crioştin-democraţi, au prezentatâ monarhia ca unu piricl’iu la adresa ali democraţiei ş-ali aradhâ constituţionalâ şi acţeslu fizicu majestăţlor a loru tu Românie fu âmbudyiusitu ma multâ an’i aradha. Dapoia intereslu a român’ilor ti monarhie scâdzu şi maca tu 1998, vâsilielu Mihai fu numâsitu “Omlu a anlui”, sintagma popularâ “Monarhia ascapâ Romania” s-avdi azâ tutu ma aretcu. Vâsil’elu şi vâsilioan’ia s-turnarâ stâmâna ţi tricu la pâlatea a loru di Sinaia, ca proprietari di dreptu ali ciuflichi vâsilicheascâ. Pâlatea u avea nationalizatâ comuniştil’i, aoa şi 60 di an’i; u feaţirâ muzeu cu scupolu sâ-l’i facâ pi român’i s-u cutuyurseascâ monarhia.Turnatâ ali familiei vâsilicheascâ, pâlatea va s-armânâ muzeu, ş-va u spunâ istoria nifalşificatâ ali familie vâsilicheascâ, aşi cumu spuni şi suveranlu: ”Porţâli a Peleşlui va s-armânâ dişcl’isi a român’ilor ti daima, aşi cumu fu ş-ma ninti, ahurhinda cu 1914, maş câ , di aoa şi nclo, român’il’i nu va s-aflâ aoa maş udazl’i mplin’i di lucri scumpi, câ şi oamin’i yii, unâ familie cari da sens ali naţiune, amprenta a statlui român”. Autor: Valentin Ţigău Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International