Radio Romania International

Arhiva :

Filmu ş-teatru tu Transilvania
(2008-06-09)
Atea dit soni aspuneari: 2008-06-09 14:20 EET Print
Tu Transilvania (chentrul ali Românie) s-dizvârtirâ tu chirolu ditu soni dauă evenimenti di anvergură internatională: Festivallu Internaţional di Teatru di Sibiu şi Festivallu Internaţional di Filmu Transilvania (TIFF). Dizvârtitu sum ghenericlu "Energhii" şi agiumsi la 15-a ediţie, Festivallu Internaţional di Teatru di Sibiu easti evenimentul di ghen nai ma importantu ditu Românie. Anlu aestu, festivallu avu pi aghendâ aproapea 150 di evenimenti şi invitaţ ditu 70 di vâsilii. La aţeali ma reprezentativi producţii româneşti ("Aşteptândalui pi Godot" si “Faust” tu regia al Silviu Purcărete, "Bana cu un idiot", tu regia alu Andryi Zholdak, "Ionesco – 5 piesi şcurti", di Alexandru Dabija) s-adâvgarâ importanti producţii internaţionali di teatru, teatru-dansu, flamenco, muzică, spectacoli pi sucăchi. Publiclu dusu Sibiu avu ocazia s-l’ia parti, tu premieră, la un evenimentu di mari clasă: spectacollu di Kabuki (teatru di adeti japonez), cu participarea extraordinară a nâscântor theatrin’i di gen ditu Japonie. Tu chirolu a Festivallui Internaţional di Teatru di Sibiu fu organizată şi unâ bursă di spectacoli la cari fu prezentu şi Jonathan Mills, directorlu a Festivallui di la Edinburgh, vinitu s-facâ contacti cu theatrin’il’i român’i. Un altu invitat importantu a Festivallui Internaţional di Teatru di Sibiu fu Eugenio Barba, prezentu ti prota oarâ tu Românie cu un spectacol. Fondator ali Şcoalâ Internaţionalâ di Antropologii a Teatrului, Eugenio Barba ari montatâ ma multu di 65 di spectacoli şi ari amintatâ multi premii ti producţiili a lui, inclusiv un premiu Sonning ti contribuţia extraordinară adusă tu cultura Europeanâ. Cu tuti câ easti ma tinir di festivallu di Sibiu, Festivallu Internaţional di Filmu Transilvania (TIFF), cari câtu ş-bitisi a 7-a ediţie tu câsâbălu Cluj-Napoca, agiumsi cunuscut pi pâzarea internaţionalâ di profil. Anlu aestu tu programlu TIFF furâ vârâ 200 di filmi, ş-12 producţii simnati di regizori debutanţâ s-astricurâ tu competiţia ti Trofeulu Transilvania. Tu valoari di 10.000 di euro, aesta a fost câştigat di singurul documentar selecţionat în Competiţia TIFF 2008, filmul “Shakespeari cohi cu Victor Hugo”Intimidades di Shakespeari y Victor Hugo”, regizat di debutanta Yuleni Olaizula din Mexic. Nai ma vrutlu premiu ali galâ fu datu di Catherine Deneuve, invitata di tin’ie a TIFF 2008. Avdzâta actriţă franceză fu şi ea tin’isitâ cu Premiul ti întreaga carieră, după proiecţia specială a filmului alu André Téchiné, “Chirolu a alâxerloruLes temps qui changent”, unu di filmili cari âl’i marcarâ cariera. Tutu un Premiu ti întreaga Carieră a amintă la TIFF 2008 şi multu vruta actriţă Tamara Buciuceanu Botez, aplaudată minuti aradha di public. Tin’isitu tu işita a Festivallui Internaţional di Filmu Transilvania fu şi actorlu Radu Beligan, cari yiurtuseaşti anlu aestu 65 di an’i di activitati tu teatrul şi filmul românescu. Harea alu Radu Beligan şi rolurli s-feaţi vrutu di cinefil’i di tuti ilichiili furâ tin’isiti di TIFF 2008 cu un Premiu di Excelenţă, datu di prezidentul Traian Băsescu, cari l-a numâsi pi actor “un alithea patriarhu a filmului şi teatrului românescu”. Autor: Corina Sabău Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International