|
|
| CĂL’IURI ŞI TRANSPORTATORI |
| (2008-06-04) |
| Atea dit soni aspuneari: 2008-06-04 13:40 EET |
Român’il’i, şoferi şi pietoni, aşteaptâ di 19 di an’i sâ s-ândreagâ căl’iurli tu vâsilie. Au pâltitâ taxi pisti taxi, accizi şi impoziti cu nâdia câ pâradzl’i va s-hibâ ufilisiţ pâradzl’i ti ândridzearea ali infrastructurâ şi că pisti nâscântu chiro va s-aibâ şi el’i şoseli şi autostradi europeani. Tuti guverneli cari vinirâ pi aradhâ la puteari tu aeşti an’i lâ ţâxirâ amarea cu sarea. Ama au tricutâ aproapea 20 an’i di la surparea a reghimlui comunistu şi urdinarea pi geadei tu mărl’i câsâbadz, inclusiv tu capitalâ, cumu şi pi căl’iurli naţionali armasi unâ aventurâ şi, aua s-aclo unu yisui urutu.Sătul’i di tâxeri, transportatorl’i rutieri işirâ pi sucăchi. Meslu ţitricu, el’i au câftatâ, tu capitalâ şi alţâ 20 mări câsâbadz ditu vâsilie, s-hibâ scoasâ taxa di cali , ieftinirea a carburanţâloru, adrarea di cama buni căl’iuri naţionali şi adrarea di parcări pi nivel european. El’i mutâ capu, prota ş-prota, contra ali taxâ di cali, câţe dzâcu câ iuva tu Europa unâ ahtari taxâ nu s-bagâ ti căl’iurli naţionali, câ maş ti autostradi. Cumu ţi s-hibâ, transportatorl’i pistipsescu că statlu adunâ duri pâradz ditu accizili benzinâ şi motorinâ. Câţe autorităţli nu avurâ canâ reacţie el’i ahurhirâ iara protestili stâmâna aestâ. Câţe premierlu Călin Popescu Tăriceanu nu vru sâ s-veadâ cu transportatorl’i, dzăţ di tiruri şi camioani ăncl’isirâ luni şi marţâ, geadeia ţi ânvârligheazâ Bucureştiul. Ca apandasi, Tăriceanu dzâsi că protesteli suntu di turlie politicâ ş- câftărli nu suntu limbidz. Ministrul di interni Cristian David u pitricu poliţia rutierâ să stâmuseascâ acţeslu Bucuresti. Misura a ministrului âl’i cârti pi transportatori ş-pi altâ şoferi, cari vrurâ s-intrâ cu zorea tu capitalâ. Marţâ seara, premierlu ş-u al;âxi deţizia şi deadi hâbari câ va s-andâmuseascâ cu protestatarl’i stâmâna ţi yini. Pi di altâ parti, Senatlu ali Românie ari adoptatâ unu proiectu di nomu prit cari easti anulatâ unâ altă controversatâ taxâ auto: taxa di prota ânmatriculari, ţi tora ayon’ia, la presiunea ali Comisiei Europeanâ şi ali societati civilâ, Executivul u alâxi cu unâ taxâ di poluari, ama fârâ s-toarnâ pâradzl’i dhiafur anamisa di veacl’ia şi naua taxă. Proiectul adoptat di Senat, cari ama lipseaşti s-aibâ unâ veardi şi di la Camera adeputaţlor, dzâţi câ a nicuchirlor di autoturismi lipseaşti s-lâ hibâ turnati dhiafurarlili integral tu unâ iami di chiro di 90 di dzâli di la intrarea pi lucru a nomlui.
Autor: Andreea Bojoi
Armânipsearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido