Radio Romania International

Arhiva :

ALIDZERLI LOCALI DIT ROMANIA
(2008-06-02)
Atea dit soni aspuneari: 2008-06-02 13:43 EET Print
Protili alidzeri locali dit România, dupâ aderarea a văsiliil’ei la UE, tru 2007, acl’imarâ dumânicâ dinintea a urnilor, aproapea 18 di miliun’i di alegători. Eara băgati tru agioc mandati di primar, consilier local şi judeţean, ama şi aţel di prezidentu di consiliu judeţean, tră prota oară aleptsă prit vot uninominal. Aşi cum spun protili isăchi ufiţiali, maş 46,59% dit cetăţen’il’i cu ndrept di vot şi spusiră minduita electorală, ma mulţâ tru hoari şi ma puţăn’i tru căsăbadz. Bucuresti, ca paradigmă, loară parti maşi 31,07% dit alegătorl’ii ngrăpsiţ pi listi. Aoa, alumta fu streasă, numa a năului primar va s-hibă cunăscută tăş după doilu tur di scrutin, după 14 di dzăli. Rezultatili parţiali spun ună iruşi a candidatlui independentu, Sorin Oprescu, dinintea a reprezentantlui a PDL (pro-prezidenţial, tru opoziţie ), aţel di ma ninti ministru ti lucri di nauntru, Vasile Blaga. Tut tru doilu tur va s-apufuseascâ câpia a primăriilor dit mărl’i căsăbadz Iasi (est), Brasov (centru), Craiova (sud) şi Galaţi (est). Agiocurli futră adrati nica di dumănică Constanţa (est), Timişoara (vest) si Cluj-Napoca (centru), iu aţel’i di ma năinti primari, reprezentândalui PSD, PNTCD si PLD, ş-lundzirâ mandatlu cu nica patru an’i. Tutunâoarâ, Sibiu, iu băneadză ună comunitati germană, primarlu Klaus Johannis lo dit, protlu tur, 90% dit voturi, chiro tru cari candidaţl’ii a UDMR (la coguvernare) işirâ azvingâtori, Odorheilu Secuiesc şi Miercurea Ciuc, căsăbadz cu naima mulţăl’i bănatori etniţ maghiari. S-lugurseaşti că alidzerli locali suntu ună isapi ninti di scrutinlu parlamentar dit aestâ toamna, cându s-aşteaptă ună znuiari a clasăl’ei politică romanească pi thimel’ilu a votlui uninominal. Rezultatili a protlui tur a alidzerlor locali spun ună aradă ţi eară astiptată a partidilor, PDL, PSD si PL ţi nica armânu tru prota sţenă a politicăl’ei romaneşti a aluştui chiro. Analistul politic Cristian Pârvulescu lugurseaşti câ: “Aestu lucru nu reprezintă ună năutati, căţe aestă tendinţă u duchim dit 1992 tu ancoa. Numa a protăl’ei formaţiuni politică fu i Convenţia Democrata, ică Alianţa Dreptate şi Aver, tora easti PDL. Alantă că s-hibă să zburămu ti FSN-ul dit 1992, că s-hibă ti PSD-lu di tora, păn tru soni, easti idyea partii ţi s-veadi azâ ampârţâtâ anamisa di Ion Iliescu, aţel di ma ninti prezidentu ali României şi Mircea Geoana, liderlu di tora a suţial-dimocraţlor. Aoa aşteptu, s-hibă marea alumtă, păn tru soni, ţi va s-da, ma largu căţe io minduescu că năuntrul a PSD, ari, tora, ună alumtă anamisa di aţel’i ţi u spun vrearea tra s-andrupască ună suţată cu PDL, dupâ alidzerli parlamentari şi aţel’i ţi andrupăscu idheea a unâl’ei suţată antiprezidenţială cu PNL ş-cu alanti formaţiuni politiţi ş-va s-videm că aesti lucri va s-acaţă, va s-dzăcă tamam tru dzălili ţi yinu.” Textul: Valentin Tigău Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International