Radio Romania International

Arhiva :

TAXA DI POLUARI AUTO
(2008-04-22)
Atea dit soni aspuneari: 2008-04-22 12:26 EET Print
Guvernul ali Românie votă, luni, naua formulă di isapi a taxăl’ei di primă înmatriculari/ngrăpseari cu numa tora “taxa di poluari auto". Aestă easti treia variantă şi easti tru plan tra s-intră tru lucru pi 1 di alunar, alăxindalui actuala formulă, ţi eastu tru lucru di la 1 di yinar 2007. La preţedentili varianti s-trapsi mănă daua aradă dupu crititsli serti ţi viniră di partea a producătorlor di autovehicule, a suţiitatil’ei ţivilă romaneşti şi a Comisil’ei Europeani. Idyea trulie nipopulară ca protili dauă, aestă a treia variantă aproachi, ama căftărli a UE, ş-pripunui ună nauă formulă ti făţeari isapi. Ea lipseaşti s-hibă dedusă andicra di datili tehniţi a cafi unăl’ei aftuchină, pi thimel’ilu a emisiilor di dioxid di carbon şi di noxi. Statlu va s-da năpoi dgheafuraua anamisa di veacl’ia formulă di taxă a aţiloru cari u au păltită. Aşi cum spuni naua grilă, taxa creaşti tră aftuchinili năi vinduti tru România, chiro tru cari valorli scadu tu giumitati tră autovehiculili Euro 1 şi Euro 2 cu motoari di pănă la 2000 di ţentimetri cubi, armănăndalui ama, ma mari tră aftuchinatli vecl’i dit importu. Ma s-acaţăm tru isapi, ama urminiili a Comisiil’ei Europeani, naua formulă pruveadi şi un coefiţientu di n’icşurari a taxăl’ei, cari va s-ducă la n’icşurarea a păradzloru ti pălteari, proporţional cu scădearea alithea a aftuchnăl’ei. Ti exemplu, aftuchinili ma vecl’i di 15 di an’i va s-aibă ună n’icşurari di 95% andicra di aţeali, năi, di idyea capaţiţati. Tru andamusea di guvernu di luni, premierlu Călin Popescu - Tăriceanu adusi aminti că fondurli adunati dit taxa di poluari va s-hibă ufilisiti tră finanţarea a proiectilor şi a programilor tru şapti dumenii di avigl’eari a fisil’ei, ntră cari şi znuiarea a parcului auto. Tru România easti tru mplină dizvârteari aşi-număsitlu program “Rabla” prit cari, la casarea a unăl’ei aftuchinâ ma veacl’i di 12 di an’i, statlu da a nicuchirlui ună primă di 800 euro. Anlu aestu, autorităţli vor s-adară lărdzearea a aluştui program la 40.000 di aftuchinati cu căbilea tra s-acaţă tru isapi şi autobuzili. Asi cum spun statistiţli, 54% dit aftuchinatli dit România au un grad mari di poluare. Em, ună dit minduerli cari şidzură la thimel’ilu ti băgarea a taxălei auto fu tamam n’icşurarea a numirlui di aftuchini ma vecl’i, poluanti, ancupărati dit Europa di Vestu şi impliţit, băgarea tru practico a prinţipiului că poluatorlu pălteaşti. “Nu vrem s-him căpachea di cuprie a Europăl’ei”, declara, anlu ţi tricu, premierlu Tăriceanu, di ş-lo şi riscul tra s-hibă părintili a unlui nom nipopular, macsus anamisa di român’il’i cari nu lă da di mănă ancupârarea a unăl’ei aftuchină nauă, ma performantă tehnic şi, dealihea, ma puţăn poluantă. Textul: Valentin Tigau Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International