Radio Romania International

Arhiva :

PRIMVEARA A PROTESTILOR SOCIALI
(2008-04-14)
Atea dit soni aspuneari: 2008-04-14 12:30 EET Print
Sindicaliştil’i di la uzinili Dacia Piteşti (sudlu ali Românie), ţi easti a firmâl’ei francezâ Renault, feaţirâ unâ grevă di trei stămân’i până amintarâ unâ crişteari a tin’iilor di cafi mesu aproapea di atea ţi u avea câftatâ. Tu aradha a loru, n’il’i di lucrâtori muncitori di la combinatlu siderurghic Arcelor Mittal di Galaţi (estul ali Românie), făcând combinatu ţi faţi parti ditu conglomeratlu internaţional cumândusitu di indianlu Lakshmi Mittal, câtu u nchisirâ greva. Şi, tu premieră tu Românie, poliţiştil’i işirâ ş-el’i pi sucachi nu ta s- tânâ aradha, ama ta s-caftâ, pi ninga alti lucri, sâ s-hârseascâ di unâ afireari legalâ ma mari şi s-aibâ condiţii ma buni di lucru. Niţi transportatorl’ii rutieri nu armasirâ ma nghiosu, câţe ş-el’i ahurhirâ, aieri, un miting dinintea a casâl’ei a parlamentului di Bucureşti şi azâ feaţirâ marşuri auto pi geadeili di centură ali capitalâ şi a altor mări câsâbadz. Şi cum nai mamultili di aesti geadei, inclusiv aţea ţi u anvârligheazâ Capitala, suntu tora nâscânti câl’iuri ca vai di eali cu câti unâ singură bandă di urdinari pi sensu di iria a cauza lucrărlor di reabilitari, marşurili adusi aminti aducu unu mari âmbodyiu tu trafic. Tu numa a transportatorlor particulari ditu Românie, prezidentul suţatâl’ei a loru, Dragoş Anastasiu, easti nvirinatu , prota ş-prota, di multili taxi şi impoziti ţi lipseaşti s-li pâlteascâ: „Întribarea di bază ţi noi u bâgămu aţiloru cari prindi s-nâ da unâ apandasi easti aplo, iu suntu pâradzl’i a noştri? Noi tuţ ş-maxus transportatorl’ii ditu Românie, avemu plătitâ, tu aeşti 18 di an’i, ditu soni mulţâ pâradz ti ândridzearea a căl’iuriloru, maş că rezultatieli nu s-au vidzutâ ş-nica nu s-vedu; concret geaba u pâltimu rovinieta. Iuva tu Europa nu ari rovinietă ti căl’iri naţionali, iuţido tu Europa u ari maş autostradi.” Aestă taxă, cu numa rovinietă, fu bâgatâ tu 1997, di ministrul di atunţea al transporturlor, ţi tora easti prezidentul ali vâsilie, Traian Băsescu. Sum sloganlu „Aoa suntu pâradzl’i a voştri!”, aestâ taxâ lipsea s-hibâ ufilisitâ ti ândridzearea a câl’iurloru. Transportatorl’i caftâ şi alâxearea a taxâl’ei di fisi aplicabilă a autovehiculilor înmatriculati ti prota oarâ tu Românie, pâtidzată taxa Tăriceranu, după numa a premierlui di tora cari s-alumtă multu ti aestâ. Dimi protestarl’ii voru ca aestă taxă s- nu hibâ bâgatâ ti amaxili cari tin’isescu normili euro 4 şi 5, ş-nu ânfarmâcâ multu. Cama vâ spunemu ş-câ şoferl’i di Arad (vestul ali vâsilie) au unâ plândzeari specifică; el’i dzâcu că, la sinur, român’il’i suntu tânipsiţ di autorităţli ungari cari facu controali di primansusu şi lâ bagâ tuti turliili di amendi. Un oficial di la yimbruchea ditu vâsilia viţinâ dzâsi ama câ transportatorl’i român’i nu suntu discriminaţ ş-că mutrerli la sinuru s-facu dupu nomurli europeani. Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International