Radio Romania International

Arhiva :

UNA TRAGHEDIE CONTEMPORANĂ
(2008-04-11)
Atea dit soni aspuneari: 2008-04-11 14:38 EET Print
Un cetăţean român, Claudiu Crulic, muri tru Polonia după ţi, ncl’isu preventiv cu stepsul ti furlăchi di-ngepi, feaţi chiro di patru meşi greva a foamil’ei, spunăndalui ca nu ari căbati. Premierlu român, liberalu Călin Popescu Tăriceanu, cutugursi sertu ministerlu di externe di Bucureşti, cumăndusit di soţlu a lui di partid, Adrian Cioroianu, ti purtaticlu di alăsari, reacţiili amănati şi slaba axie tra s-află cearei cându cetăţean’il’i român’i suntu tu chindin tru xeani. Călin Popescu Tăriceanu: „Căftai că pi ninga sancţionarea a consului şi, vahi, cl’imarea a ambasadorlui di Polonia dinintea a Consiliului di Tin’ie a ministerlui, s-hibă pitricuti instrucţiun’i multu limbidz şi susto a consulatilor ali Românie dit xeani ti băgarea tru lucru, sertă, a proţedurlor ti ahtări cazuri cari nsimneadză darea asistenţă a cetãţean’ilor român’i ţi vedu zori şi, nu dip tru soni, căftăm s-hibă faptă ntrăoară ună isapi profesională a tutăloru persoanilor ţi lucreadză tru consulatili româneşti, ună acţiuni ţi lipseaşti să u nchisească MAE. Minduescu că tru minister s-agiumsi la ună catandisi, va s-dzăcă pişmani ahtari lucru tru chirolu dit soni, easti, să spun, un purtatic ti nibăgari ergu. Nivelu profesional ţi lu-cunuscui la Ministerlu di Externi nu mata lu-aflai aesti dzăli.” Ministurlu Adrian Cioroianu nu trapsi mănă şi apruche aesti critiţ, ama dzăsi că lipseaşti s-hibă apufusit tamam cătu dit borgea a tragiclui eveniment easti a diplomaţlor român’i dit Polonia şi cât a autorităţlor dit aestă văsilie. Cum ţi s-hibă el spusi că cl’imarea diznău, vahi ti totna, a consului român Varşovia. Claudiu Crulic l’i-avea căftată asistenţă, spunăndalui că nu ari căbati, ama consulu nu s-dusi la penitenciarlu di Cracovia, iu aestu eara ncl’isu, mea să spusi haristusitu cu asiguripserli a procuraturăl’ei polonezi cari l’i-dimăndă că românlu easti ghini mutrit. Adrian Cioroianu: „Cazlu easti multu grav. Nu s-dănăseaşti la imaginea a ministerlui a lui, la imaginea a ministurlui. Easti un caz multu greu şi lipseaşti s-hbă giudicat cu seriozitati, tra s-veadă di tamam cari suntu atel’i ţi avea borgi ti aestă taxirati. Ca ti ciudie armăni turlia tru cari Claudiu Crulic fu mutritu tru hăpsani ică ma ămănat, tru spitalul tru cari muri.” Jurnalu ADEVARUL di Bucureşti, cari mutri di aproapea cazlu, yini tu agiutorlu a vrearil’ei a ministurlui român di externe tra s-hibă cunuscut cari suntu tuţ aţel’i ţi avea borgi ti aestu traghic cazu, şi feaţi ună scuteari tu migdani ţi poati s-hibă multu importantă. Claudiu Crulic spusi că, pi 11 di alunar 2007, cându s-feaţi furlăchea, el eara tru Italia, ama procuratura poloneză nu feaţi salami verificări tu ligătură cu aestă declaraţie. ADEVARUL tipuseaşti spunerli a ghidlui dit autocarlu cu cari urdină Crulic, pe cari lu-cunuştea dit alti urdinări, ghid cari confirmă declaraţia a românlui şi să spuni nvirinat că nu fu ascultat/audiat di procuratura poloneză! Textul: Mirel Rădulescu Apridyuţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International