Radio Romania International

Arhiva :

Ş-buni ş-arali di Bruxelles
(2008-04-09)
Atea dit soni aspuneari: 2008-04-09 10:18 EET Print
Controversata şi contestata, taxă ti protă ngrăpseari a aftuchinilor tru România agiumsi tru ună nauă turlie – multu bună, aşi cum spuni comisarlu european tră taxi şi uniuni yimbruchească, László Kovacs: “Naua versiuni a taxăl’ei auto, ţi ari tru prota thesi prinţipiul a emisiilor di bioxid di carbon a aftuchinatlor, minduescu că easti multu bună şi inovatoari. Aestă dit soni versiuni da apandasi acutotalui la căftărli a Comisiil’ei. Tu aestă oară, experţăl’i ali Comisie examineadză năulu nom. Isapea dit bitisită nu easti nica pi measa a mea, ama easti un lucru di dzăli şi minduescu că va s-pot s-dau ună apandisi păn di mardzină ti ună stămănă”. Alăvdărli yinu şi spun hăbărli prit cari Comisia s-ndreadzi s-ngl’eaţă proţedura di infringement nchisită anlu ţi tricu contra a Bucureştiului. Pănă la apruchearea a unăl’ei apandisi di bitisită tru ligătură cu aestu lucru, Bruxellesul lo ună altă apofasi avăndalui ligătură cu România, ama ş-cu Vărgăria: căţe nu pricănoscu diplomili di sudii loati tru aţeali dauă stati, optu stati membri a Uniunil’ei Europeani agiungu dinintea a Curtil’ei Europeani di Justiţie. Apofasea ali Comisie, loată ti furn’ia că cetăţean’il’i români şi vărgari suntu discriminaţ atumţea căndu vor tra s-intră pi un lucru ică să-şi facă ma largu studiili tru xeani, mutrescu Austria, Ciprul, Belgia, Franţa, Gărţia, Irlanda, Luxemburgul şi Spania. Idyea turlie cum alanti stati comunitari, aestea lipsea tra ş-alăxească legislaţia unăoară cu aderarea ali Românie şi ali Vărgărie tru Uniunea Europeana, tru ahurhita a anlui ţi tricu, ama niţi după ţi lă si feaţi timbihi prit dauă cărţă, nu apăndăsira la căftărli fapti. Aşi că executivlu european tricu la yinitoarea ceapă dit proţeduri cari s-bagă tru ahtări cazuri, ş-pitricu aţeali stati adusi aminti tru justiţie. La Curtea Europeana di Justiţie suntu tru catandisea tra s-agiungă, ama, şi România şi Vărgăria, căţe sistemlu unic European 112 nu da izini a aţilor ţi asună di pi telefonlu mobil s-dimăndă ună catandisi di ananghi. Gioi, Comisia Europeana căftă că problemili s-hibă ndreapti ti nai cama multu doi meşi, pănă pi 4 di cirişar, al’iumtrea va s-hibă căftată Curtea Europeană di Justiţie. Un comunicat a Ministerlui a Comunicaţiilor şi Tehnologia a Informaţil’ei cundil’eadză că România dimăndă a Comisiil’ei Europenă jgl’ioatili ninti ţi li feaţi ti hăirlăticlu a sistemlui, serviciul di localizari hiindalui tru plan s-hibă adyi tru daua giumitati a aluştui an. Textul: Corina Cristea Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International