Radio Romania International

Arhiva :

Aghenda a unui summit istoric
(2008-04-02)
Atea dit soni aspuneari: 2008-04-02 14:56 EET Print
Vârâ 60 di şefan’i di stat şi di guvernu ditu lumea întreagă, ti prota oarâ la unâ ahtari andamusi – secretarlu gheneral al ONU, Ban Ki-Moon, şi prezidentul ali Comisie Europeanâ, Jose Manuel Barroso, trei n’il’i di oficial’i. 3.500 di jurnaliştii. Aestâ easti, tu rezumat, participarea, Bucureşti, la aţea ţi presa numâseaşti nai ma marli şi ma importantul summit ditu istoria NATO. Invitatâ s-intrâ tu Alianţâ aoa şi şasi an’i, România ex-comunistâ, ma ninti membrâ a Pactului di Varşovia, fu aleaptâ simbolic ca amfitrion, pistipseaşti analistul Dinu Flamând, “câţe marcheazâ unâ importantâ niintari victorioasa a NATO tu unu teritoriu ma ninti inamic.” Cama pragmatic, Departamentul amirican di Stat preciza, ama, nica ditu 2006, câ ali Românie âl’i si cadi s-apânghiseascâ evenimentul di itia a contribuţiil’ei a l’ei la pidimolu comun ali Alianţâ tu Afganistan şi la stabilizarea a Iraklui, vâsilii tu cari furâ dizvârtiţ suti di militari român’i. Afganistanlu easti tu prota thesi a l`cârdiilor di la summit, aşi cumu dzâţea şi secretarlu gheneral al NATO, Jaap di Hoop Scheffer, cari adâvgă: “Voiu s- vă spunu că aestu summit ari unâ ahendă multu interesantă. Va sâ zburâmu ti operaţiun’ili ali Alianţâ cumu ş-ti tindeari şi ti provocărli aiştui secul, ti apărarea antirachetă ş-ti securitatea energhetică.” Sinurlu di la apiritâ a NATO, dimi directu interesatâ di tindearea câtâ Balcan’il’i di Vestu şi spaţiul ma ninti sovietic, Romania ari aştiptărli a l’ei. Li spuni pi şcurtu prezidentul Traian Băsescu: “Nai mai marea harauâ a noastră la bitisita a aiştui summit vrea s-hibâ ca, tu concluziili a summitului, statili ditu Balcan’il’i di Vestu, statili di la estu di România să-şi umplâ aspiraţiili ca, la unu momentu, s- agiungâ membri ali Alianţâ Nordu-Atlanticâ. Tutunâoarâ haraua a noastră vrea s-hibâ reală, maca tu concluziili a summitlui va s-aflâ soluţiili di viziuni ti Afganistan, ti reghiunea a Balcan’ilor di Vestu tu gheneral, maca aoa va s-aflămu soluţiili ti criştearea a securitatil’ei a statilor membri NATO şi a statilor partenerie.” N’ercuri, dzâţea experţil’i, prezidentul George W. Bush s-ayun’iusi s-da nanaparti suspansul mutrinda Balcan’il’i di Vestu. Tu zborlu ţânutu Bucureşti, liderlu ali vâsilie cu nai ma marea ponderi militarâ şi politicâ tu Alianţâ deadi hâbari, explicit, câ, gioi, NATO va s-l’ia "deţizia istorică" di tindeari cu trei stati: Croaţia, Albania şi Machidunia. Pi ninga aestâ, elu dzâsi diznou ţi avea dzâsâ Kiev : s-dzâcâ ţi va s-dzâcâ Arusia, republiţli ex-sovietiţi Georgia şi Ucraina prindi s-l’ia Membership Action Plan (MAP), cari s-l’ia ninti di apruchearea tu NATO. Consecventu, Bush adusi aminti şi Bucureşti fuvirsearea ţi u reprezintâ reghimlu islamic di Teheran ş-dzâsi câ România işişi, ca partener strateghic ali Americâ, poati s-hibâ ţinta a unor racheti lansati ditu Iran. Ti românlu Aurelian Crăiuţiu, profesor di ştiinţi politiţi la Universitatea a statlui amirican Indiana, factul câ Bush âşi bitiseaşti mandatlu dupu ândoi meşi nu faţi caduc subiectul a scutlui antibalistic. Tu eventualitatea tu cari Iranlu va s-dezvoltâ capabilităţi nucleari cari s-fuvirseascâ securitatea ali Europâ, dzâţi elu, “ari un consensu tu Statili Uniti tu aţea ţi mutreaşti ananghea adraril’ei a scutlui”. Tehnic, cama armâni s-aflămu soluţia ca aestu s-anvâleascâ şi flancul sudic a NATO, dimi şi România. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International