Radio Romania International

Arhiva :

Summit-lu NATO di Bucuresti
(2008-04-01)
Atea dit soni aspuneari: 2008-04-01 10:52 EET Print
Pro-atlantistu cândâsitu şi autor al cunuscutâl’ei sintagmâ “Axa Bucureşti-Londra-Washington” ca prioritati a politicâl’ei cu xeanili, prezidentul ali Românie, Traian Băsescu, easti vizibil hârsitu di calitatea di amfitrion nai ma marilui summit ditu istoria NATO. Tu un interviu dat ali televiziuni publicâ di Bucureşti, elu dzâsi câ, ti elu, miza majorâ ali andamusi easti câ România, ti prota oarâ tu istorie, va s-aibă anvârliga di ea maş stati aliati. Dimi ca tuti vâsiliili viţini s-hibâ agiutati pi calea a integraril’ei a lor tu Alianţa Nord-Atlantică. Di aoa şi ândruparea sânâtoasâ a Bucureştiului em ti apruchearea tu NATO a n’iţlor aspiranţâ ditun Balcan’il’i di Vestu: Croatia, R.Machidunia şi Albania – cum şi ti darea tu mânâ a planlui MAP (Plan di Actiuni ti Aderare) ali Ucrainâ şi Georgie ex-sovieticâ. Traian Băsescu: “Noi avem aestu obiectiv: anvârliga di noi , ti prota oarâ tu istorie, România să aibă maş vâsilii aliati, vâsilii soaţi, nu uspitâl’i di turlia România-URSS, tu cari eram vâsilie subordonată, amA vâsilii soaţi.” Ligâturli ali Arusie cu Alianţa Nordu-Atlanticâ ţi s-feaţi dupâ doilu polim mondial, tamam câţe lumea libirâ avea frixi di sovietiţ, armâni ş-azâ unu subiectu sensibil. U probeazâ şi critiţli serti a Kremlinului andicra di ideea tindearil’ei NATO câtâ Kiev ş- Tbilisi. Ca unâ apandasi la critiţli aţiloru cari, Moscova icâ tu vâsilie , dzâcu câ ari prâxo rusofobi, prezidentul dzâsi că aruşl’i prindi s-u alasâ nanaparti loghica a polimlui araţi şi s- intrâ tu aţea a parteneriatlui, din cari va s-amintâ ma multu(TRACK): “Tora, NATO nu mata ari adversarul militar pi cari lu-avea, Pactul di Varşovia. Nu va s-aflaţ tu niţi unu documentu NATO că Federaţia Aruseascâ reprezintă unâ fuvirseari ti statili NATO.” Băsescu cama dzâsi câ diplomaţia româneascâ “ari dusâ unâ întreagă campanie” ta s-hibâ bâgatâ tu documentul final al summit-ului preţizarea că statili ditu Alianţă ândrupăscu integritatea teritorială ali Ripublicâ Moldova (majoritar românofonâ), ali Georgie, Azerbaidjanului şi ali Armeniei, stati ex-sovietiţi ţi s-alumtâ cu fucurini di separatismu etnic ti cari experţâl’i dzâcu câ suntu sponsorizati di Moscova. Nucă tari tu pâzârâpserli dinuntru ali Alianţâ, dosarlu afgan va s-hibâ tu prota thesi şi la summitlu di Bucureşti, la cari dzâsi câ va s-yinâ şi prezidentul Hamid Karzai. Resurecţia ali ribilipseari talibanâ şi vâtâmărli ţi s-facu aproapea cafi dzuuâ , tu aradha a contingentului NATO obligâ la unâ ânvârtuşari ali prezenţâ militarâ. Tu aţea ţi u mutreaşti, România easti hâzâri s-ândrupascâ cu unâ companie suplimentarâ tu Afganistan, ama, adavgâ Bâsescu, “nu va s-hibâ un furnizor nicondiţionat di ascheri”. Câţe aşteaptă ca şi alanti stati aliati să-şi pitreacâ aschirladz tu sudlu aiştei vâsilie, fief a taliban’ilor, iu catandisea easti cu ma multu piricl’iu andicra di nordu. Tu aţea ţi mutreaşti securitatea a lui işişi, Bucureştiul ari ândreptu s-caftâ s-hibâ bâgatu ş-elu sum scutlu antirachetâ, proiectat di amirican’i tu Europa Chentralâ. Analiştil’i preţizeazâ câ tindearea a scutlui ti flancul sudic ali Alianţâ ari ananghi di un angajamentu financiar cari tora nu lu-ari. Di aoa şi ideea alu Basescu câ, ma s-nu s-agiungâ la unu consensu nutrul ali Alianţâ, protectia antirachetâ poati s-agiungâ subiectul a unui aranjamentu bilateral anamisa di România şi Statili Unite. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International