Radio Romania International

Arhiva :

Actualitatea a unui factu istoric
(2008-03-31)
Atea dit soni aspuneari: 2008-03-31 11:56 EET Print
- Cu tuti câ s-pari câ fura ampârţâti ti daima, dupâ ţi unâ fu aprucheatâ tu NATO şi UE, ş-alantâ canda doarmi sumu guvernarea comunistâ pro-moscovitâ, România şi, respectiv, Ripublica Moldova viţinâ au, ama, ma multi ligâturi di câtu pistipsescu nâscânţ. Cafi anu, em Chişinău , em Bucureşti, easti yiurtusitâ Unirea ali Basarabie (estu) cu România, tu 27 di marţu 1918. Atunţea, pi fondul aspârdzearil’ei ali amirârie ţaristâ, Sfatul Ţării (organismul leghislativ ali Basarabieu a votă unirea aiştei provincie majoritar româneascâ cu Patria Dadâ, ânchisinda aşi, proţeslu adraril’ei a statlui naţional unitar românescu. Tu işita a idyiului anu, intrarâ sum autoritatea a Bucureştiului Bucovina şi Transilvania, pânâ atunţea, parti ali Amirârie habsburghicâ. Consacratâ istoriografic cu numa di România Mari, vâsiliqa adratâ ântragâ tânu maş 22 di an’i. Tu 1940, dupu unu ultimatum, Moscova arâchi em Basarabia, em nordul ali Bucovinâ, locuri ţi tora suntu tu aţeali di ma ninti ripubliţ sovietiţi Moldova şi Ucraina. Suti di n’il’i di etniţ român’i s-arifugiarâ atunţea ditu locurli ocupati. Alti suti di n’il’i furâ deportaţ tu Siberia icâ Kazahstan. Sovietiţl’i l- umplurâ golul demografic cu coloniştii aloghen’i. Cu tuti aeti, populaţia ali Ripublicâ Moldova armasi daima majoritar românofonâ. Corespondentul a nostru Chişinău l’i ntribă basaraben’il’i di azâ ţi minduiescu ti aestâ uniri “Ideea ali Unirii ti român'il'i ditu Ripublica Moldova easti una multu actuală. Ari multi dispoziţii, multi atitudini, ama marea majoritati vedu limbid că unica ascapari easti unitatea ali naţiuni “Pisyipsescu ca omlu di aradha ,nu-şi aduti aminti ti dzuua di 27 di martu maca nu-l'i aducu aminti andoi politicien'i. Aestâ easti realitatea ti jali. Pentru mine, personal, esti un eveniment di cari îmi amintesc întotdeauna.” Cinici sau doar lucizi, sunt şi nascanta cari pistipsescu câ ti cetaten'il'i a nai ma oarfanlui stat european, mintitu tu structurli CSI, pasaporta romaneasca easti exclusiv unâ investitie profitabila, câte da izini s-intrâ pi pâzarea europeanâ a lucrului: “Azâ, Unirea easti tutu ma aretcu vehiculată di populaţia ali Ripublicâ Moldova. Pistipsescu că suntu ma nâscânti considerenti icunomiti şi multu ma puţân patriotiti.” Preftu a Mitropoliil'ei ali Basarabie, ti easti sum autoritatea ali Patriarhiei Ortodoxâ di Bucuresti, părintili Petru Buburuz easti, ama sigur câ:" “Averlu easti di partea a noastră, câţe noi nu vremu altâ câ s-himu deadunu cu fara a noastrâ.” Autor: Bogdan Matei Armanipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International