Radio Romania International

Arhiva :

Comisia Europeana tra justitia romana (21.02.2011/ T.L.)
(2011-02-21)
Atea dit soni aspuneari: 2011-02-22 13:01 EET Print
Aprucheat tru Uniunea Europeană la 1 di yiar 2007, Bucureştiul nu easti, nica, membru cu tuti ndrepturli a clubului a Aţilor 27. Di la multu probabila amânari ti apruchearea tru Spaţiul Schengen până la ţânearea ali Justiţie sum ocl’il’i ali Comisiei Europene, România ari nica ti ndridzeari tra s-agiungâ isa cu alanti vâsilii dit Uniuni. Viniri, executivlu comunitar tipusi raportul intermediar mutrindalui justiţia, tru arada a aşi-număsitlui Mecanismu di Cooperari şi Verificari. Aşi cum spun experţâl’i, protili lucri buni suntu vulusearea a nomlui ti lucru tră Agenţia Naţională di Integritati, amendarea a nomlui tră Curtea Constituţională, disfăţearea a niscântor instanţe cu lucru pţânu tu planu şi, pân tru soni, lucurlu ali Direcţie Naţionalâ Anticorupţie. Tuţ şefl’ii a instituţiilor mintiti tru Justiţie sâ spusirâ, di altâ parti, haristusiţ că, ti prota oarâ, raportul ali Comisie Europenâ spuni orlea zorlea ti bun câ suntu pideapsili serti ţi li deadirâ giudicătorl’i român’i tru cazuri di aruşfeti. Lucărli slabi mutrescu apofasli prit cari Parlamentul nchidică, pân tru soni, anchetili a procurorlor tru dosarili di mari aruşfeti, dimi câ nu fu niintat nica un studiu independentu mutrindalui sistemlu judiciar şi hăirlâtica a aluştui, cata cum şi armânearea tru idyea scarâ a bugetlui ANI. Ministrul ali Justitiei, Cătălin Predoiu, sâ spuni cândâsit că di clasa politică ţâni corectarea a aiştor slâbinţi şi ahândusearea a reformilor: „Tru ansamblu, dit raportu iasi tu videalâ orlea zorlea şi alidzearea cari easti dinintea a clasâl’ei politicâ dit România, anamisa di modernitatea europeană şi tricutlu postcomunist, anamisa di justiţie şi injustiţie, anamisa di integritate şi aruşfeti.” Unâ dit instituţiile pi cari raportul li luyurseaşti cu problemi easti Consiliul Superior ali Magistraturâ. Alidzerli ti aestu organismu, ţi coordonează, practic, lucărlu a instanţelor, furâ atacate la Curtea Constituţională. Prezidentul a CSM, Horaţius Dumbravă, spuni că, tu ma marea parti, problema s-ndreaapsi: „Candidaţl’i luyursiţ ca hiindalui neconstituţionali furâ invalidaţ prit apofasea a Curtil’ei Constituţionali, iara alanţâ membri alepţâ tin’isitu şi dupu nom furâ validaţ.” Alepţâ cu spusili di agenţiile internaţionali di presă, experţâ europeni ti alumta anticorupţie s-plângu, di altă parte, că tru România „corupţia fu şi armasi transpartinică.” Sociologlu şi antropologlu român Vintilă Mihăilescu spuni, tru arada a lui, că politicien’il’i sunt acâţaţ tu agioclu di domino a dependenţâlor un-alantu: ma s-cadâ un, tuţ alanţâ suntu tu piricl’iu ta s-cadâ ş-el’i. Cu unâ ahtari miză, sinferlu public i naţional agiundzi ta s-nu s-veadâ tru ocl’il’i a lor – nica spuni profesorlu Mihăilescu. Textul: Bogdan Matei Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International