|
|
| La ună ceapă di votlu uninominal ? |
| (2008-03-28) |
| Atea dit soni aspuneari: 2008-03-28 14:12 EET |
Românii vor triţearea la sistemlu di vot uninominal. Aistu lucru lu spun sondajili ti căftari a minduităl’ei şi referendumlu pi aistă temă adrat di şeflu a statlui, tu toamna a anlui ţi tricu . Politicien’il’i dau asiguripseri că tu nai ma şcurtlu chiro va s-facă alăxeri susto tu sistemul electoral românescu, iara poziţiile a ăntăn’ilor partide s-pari că s-a[ruchiară. PNL şi UDMR (la co-guvernare), PSD şi PC (tu opoziţie) s-achicăsiră tu ţi mutreaşti prinţipiili a nomlui , iara PD-L, tut dit opoziţie, deadiră tru şteari că va s-voteadză iţi turlie a nomlui .Cu tuti aisti jurnalistul Corina Dragotescu easti sceptică tu ţi mutreaşti şansili dealihea ca votul uninominal s-hibă băgat tu practichie la alidzerli parlamentare dit toamnă: “Nu pistipsescu s-hibă dealihea .Pistipsescu că nu para vrură dealihea dit ahurhită , ti aţea că toradioară partidele nu para vor votul uninominal ili cama ghini dzăs vor ta s-voteadză ninga ună oară pi liste, ta s-bagă muştiradzăl’i politiţ aclo ”. Comentatorul di politică internă, Ion Bogdan Lefter, easti, ama cama cu nădie :”Macă partidele parlamentare nu va s-află ună cali ta s-andreagă sistemul di vot ti alidzerli di estan barim maş parţial, tu ună luyie combinată votul uninominal cu listi di partid, atumţea partidele politiţi va s-păltească greu la urne, ti aţea că va s—li s-află căbatea vu vrură alăxearea aşi cum va şi populu “
Tu ţi mutreaşti Europa videm că sistemul a votlui uninominal, ţi faţi ca parlamentarl’i s-hibă alepţ direct di cătră electorat, nu para easti ahăntu arăspăndit. Toradioară , patru văsălii europeane au aistă turlie di vot. Easti zboru ti Franţa, Marea Britanie, Ungaria şi Lituania. Tu Franţa ari votlu uninominal majoritar tu dauă tururi di scrutin.Tu Marea Britanie ari maş un tur di scrutin, candidatul ţi amintă nai ma multi voturi hiinda spus amintător. Tu Ungaria şi Lituania aflăm sistemul di vot uninominal mixt, ţi ari tutnăoară maş un singur tur di scrutin. Jumitate dit mandate s-ampartă după votlu direct la nivelul a circumscripţiilor uninominale, alanti mandati s-amparţă di cătră partide după scorul electoral amintat . Practic, aligătoril’i da dauă voturi: unu ti candidatlu alept uninominal şi un altu ti ună listă di candidaţ pripuşi di partide. Alanti văsălii ali Uniuni Europeană apruchiară un sistem di vot proporţional pi liste, sistem ţi easti şi tu Romania.
Analistlu Ioan Bogdan Lefter luyurseaşti că him tu un chiro tu cari parlamentarl’i nu para au ti alidzeari : “Sigura că interesili a liderilor politiţ suntu ta s-ţănă listele, ama macă va s-achicăsească şi mini pistipsescu că achicăsiră - că la urne va s-chiară multi locuri tu parlament macă nu va s-alasă naparti născănti lucri ţi nu li si uidisescu atumţea nu va s-poată ta s-intră tu cursa electorală di estan cu şansili ţi li vor ”.
Autor :Corina Cristea
Armânipserea: T. E.
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido