| Cât multu va s-alâxeascâ guvernul ali Românie |
| (2008-03-28) |
| Atea dit soni aspuneari: 2008-03-28 14:03 EET |
Dupu doi meși di la demisia alu Tudor Chiuariu, cari u nchisi criza di la Ministerlu ali Justiție, liderli PNL (la coguvernari deadunu cu UDMR) aflarâ luni unâ soluției cari poati s-hibâ aprucheatâ di prezidentul eli Traian Băsescu. Teodor Melescanu, titular la Ministerlu ali Apărarii, easti pi cqali ws-lu lia portofoliu ali justiției, ți-lu țâni tora di oarâ interimar. Tu loclu a lui, la cumândusearea a ministerlui ali Apărarii easti nominalizat secretarlu general di ma ninti a Guvernului și prezidentu ali Comisie parlamentarâ di control a SRI, Radu Stroe. Ațeali dauâ pripuneri va s-hibâ pitricuti la Prezidenție, ta s-hibâ simnati, dupâ ți motivația a Curtilei Constitutionalâ mutinda cazlu Norica Nicolai va s-hibâ publicatâ tu Monitorlu Oficial. Aduțemu aminti câ pripunea di prota a PNL ti portofoliu ali Justiție, liberala Norica Nicolai, nu fu aprucheatâ di șeflu a statlui, câ taha ex-procurorlu ditu chirolu Ceaușescu nu avea garanții morali și profesionali. Nomlu spuni câ prezidentul poati s-da nanaparti maș unâ oarâ pripunearea di numâseari a unui ministru. Nominalizat la portofoliul ali Justiției, Teodor Melescanu declara: track: 'Pistipsescu câ easti unâ decizii ți lipseaști s-u lom tamam ta s-ascâpămu di blocajlu di la Ministerlu ali Justiției. Tu ațea ți mutreaști Ministerlu ali Apărarii, sigura, succesorul lipseaști s-ducâ ninti va trebui ândridzerli ti demarat ti summitlu NATO ditu meslu apriir di anlu aestu și mini pistipsescu câ va lu bitiseascâ aestu lucru.'
Reacțiili ali sțenâ politicâ româneascâ andicra di dauâli nominalizări nu amânarâ. Marko Bela, liderlu UDMR, la guvernari: track : 'Mini nu pistipsescu câ tu aestu momentu, cu alidzerli parlamentare, putemu s-u ndridzemu problema. Noi noi va s-azburâmu tu UDMR cu coleganili a noștri, ama lipseaști sâ spunemu câ fârnul tu aestu momentu easti tu mână PSD.' PSD, prințipala formațiuni ali opoziție ditu Românie, deadi hâbari câ va s-da nanaparti tu tu parlamentu iți nauâ formulâ guvernamentalâ, ș-caftâ demisia di tinie a guvernului și alidzeri parlamentari ninti di chiro. Liderlu a social-democrațlor Mircea Geoanâ: track: 'Unâ din opțiunili ți li avemu cama aproapea easti ațea a alidzerlor ninti di chiro. S-u țânemu ân locu Romania nica unu anu di dzâli tu mintâtura di tora reprezintâ unâ chireari netâ ti tuț românili ș-ti tuti partidili.' Partidlu Conservator, ma ninti soțu la guvernari a liberali, nu lo nica niți unâ apofasi. Maca nu va sâ s-ândrupari politicâ di guvernul di tora, armâni soluția a alidzerlor anticipati.
Autor: Theo Cristez
Armânipsearea: Irina Paris
|
2025-04-03
Print
Puteț s-avdzâț căndțido