Radio Romania International

Arhiva :

Ună privatizare ndilicată
(2008-03-28)
Atea dit soni aspuneari: 2008-03-28 13:57 EET Print
Nu easti prota oară căndu anamisa di Bucureşti şi Bruxelles iesu tu videală mintireaşi ţi l’i-acaţă tu mesi american’l’i. Cara an’il’i ţi tricură aesti avură maş noimă politică, căţe Uniunea Europeană u spusi dininti cărtearea andicra di pro-americanismul fără vără artimaie a autorităţlor romăni, tora scupolu easti maş economic. N’ercuri, Comisia Europeană căftă ali Românie s-anvălească di la Uzina Automobile di Craiova (sud) un agiutor, lugursit paranom, tru valoari di 27 di miliun’i di euro, ţi-lu deadi tu oara anda fu privatizată aestă di cunuscuta companie Ford. Tu yismăciuni, american’l’ii păltiră maş 57 di miliun’i ti 72,4% dit acţiun’ili a uzinăl’ei. Vindearea scoasi tu migdani nipistipserli a Comisiil’ei Europeani, ţi feaţi investigatii, cum s-faţi tu ahtări lucri, ţi ambudyiusiră ama dizvărtearea privatizaril’ei. Tu bitisita anchetăl’ei, Comisia spusi că statlu român apruche s-vindă ti un păhă multu ma n’ic andicra di aţel alithea, ama, băgă, ma multi căftări ţi ma multu suntu di turlie suţială: criştearea a numirlui di lucrători şi investiţii directi di 675 di miliun’i di euro ti modernizari. Aţea ţi, tu minduita a ufiţial’ilor comunitari, easti ună călcari a aradăl’ei ţi u ari păzarea comună. Comisarlu european tră Concurenţă, d-na Neelie Kroes, spusi că, aestă turlie, “statlu cheari amintatiţi, deapoa lucurlu cu privatizarea amintă un avantaj selectiv, aţea ţi duţi la alăxearea a noimăl’ei tu concurenţă”. Ford Europa să spusi haristusită di apofasea a Comisil’ei, cari easti, păn tru soni dari cali, privatizarea. Al’iumtrea, cabaia cărtit, premierlu romăn Călin Popescu Tăriceanu maxutarcu ufilisi zburarea cu len turlii di noimi. Aspurcuhearea a lui ţi u arcă cătă Bruxelle nu angreacă ti un personaj ţi ţăni, altă turlie, s-iasă dininti ca arbitru a nămuzil’ei tu cămpul politic. Di alantă parti eara ti nipistipseari ninti di 1 di yinar 2007, căndu, pănă fu aprucheată văsilia tru UE, autorităţli romani avea un purtatic mplin di frunimeaţă (TRACK): “Dimi el’i vrea să spunem aşi: "Hăbari di privatizari. Privatizăm Societatea Craiova." Ş-duri! Ş-yini un ş-dzăţi: "Li bag mpadi/li surpu casili, lucrătorl’i, nu am gaile, s-fudziţ. Iu? Nu-i lucurlu a meu, ama io tu loc di 57 di miliun’i dau, 27 di miliun’i, ma’nsus" ş’Comisia vrea să spunea E, dimi ţi Comisia Europeană s-adară România? S-adrăm fărfuli şi alti stati s-adară avioani şi automobili ş-noi s-adrăm nu ştiu ţi. Aşi? Vahi şi s-him exportatori ti părmătii dit lemnu cu adeti.” Premierlu nica spuni că nu ahicăseaşti giueapea a Comisiil’ei mutrindalui aşţarea noimăl’ei tu antriţeari, maca s-cănăoşti că tu căsăbălu Craiova s-feaţi ună goală ofertă ş’maş un păhă, aţeali spusi di Ford. Analiştil’i economiţ lugursescu că Tăriceanu, fu dealer Citroen tu Romănia ş-nicuchir di tin’ie a importatorlor di automobile, ari sensibilităţ ahoryea ligati di aestă dumeni. Iara aţel’i politiţ aduc aminti că, cum ţi s-hibă maca 2008 easti an electoral şi iţi hearbiri di populismu viril poati s-amintă. Limbid easti că pot s-cură ş-alti. Bruxellu, ari nchisită, Braşov (ţentru) ş’Roman (est), tut privatizări tu cari s-ved şubei că ari căbili ti agiutoari paranom di la stat. Ş-căftă limbidzări di cu chiro ti alti dauă dosari: favrica ţi compania finlandeză Nokia u adră ningă Cluj (ţentru) şi scutearea ti vindeari a favricăl’ei ti Antibiotiţi di Iaşi (est). Textul:Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International