Radio Romania International

Arhiva :

Ancljdeari câtuyursitâ politic ( 01.02.2011/ T.L.)
(2011-02-01)
Atea dit soni aspuneari: 2011-02-10 14:33 EET Print
Amprotusa-a aprinderlor politiţi ditu România s-mută, di ndauâ dzâli, tu naia di câtâ tu Argeş, (notlu a vâsiililjei), a deapoa idyealui tu amprotusa tru prota frândzâ a jurnailor easti prezidentul a Consiliului Judiţean, suţial-dimocratlu Constantin Nicolescu. Aflat câbati di procurorl’ii antiaruşfeti câţe lo pâradz paranom ş-ti trafic di influenţă, aestu fu ncl’isu ti un kiro, gioi dicsearâ, ti 29 di dzâli. Tu aestâ catastasi, canda s-pari câ, gailelu ţi lu-agudi di furn’ia a ncljideariljei, al Nicolescu âl’i inşirâ tu migdani şi alti lângori ma vecl’i, aţea turlie câ vidzu zori ta s-hibâ purtat Bucureşti ş-deapoa sâ-lu tal’i pi cordul dişcl’is. Tu kirolu anda Nicolescu eara tu sala di operaţie, tu dosarlu tru cari easti anchetat –fitrusea năi probi ţi lui stipsescu: stenogrami dit moabeţli a lui cu un aşi spus insu ţi lu-ancupâră cu pâradz – embur şi patron di club di fotbal, el işiş ncl’isu tu aestu kiro - şi isapea ţi, su numa "Comision Nicolescu" icâ "Protocol CJ Argeş", aestu u avea ti darea-loarea pâradz ş-ţi aestu paranom âl’i dâdea. Aluştui dosar âl’i si advgâ nica un, adratu di Departamentul ti Alumtâ Antifurlâchi, di sum cumandul a Guvernului, tu cari Nicolescu easti stipsitu câţe hârgiui niuidisitu aproapea 900.000 di euro, dit fonduri nirambursabil’i, ahârdziţ ti znuearea a niscântilor şcol’iuri şi căl’uri dit judeţ. Trâ soţl’i di partid a stipsitlui, compasiunea andicra di hala tu cari easti cu sânâtatea agiumsi s-hibâ tru prota thesi andicra di lucârlu mutrit cu ngâtan ti aţea ţi adusirâ dininti cu probatoriu procurorl’i. Membrii şi simpatizanţâl’ii a PSD (tu opoziţie) ndreapsirâ parei, parei, dinintea a sediilor PD-L (ţi easti pi puteari) dit vâsilie, stipsindalui prota avyiulie a suţatâl’ei guvernamentalâ că ghio taha deadi cumandu politic ti ncl’idearea al Nicolescu. Nica ş-ma multu, suţial-democraţl’ii dit delegaţia ali Românie la Adunarea Parlamentară a Consiliului ali Europâ işirâ anda ţânea cuvendâ, tu plen, stămâna ţi tricu, Strasbourg, prezidentul Traian Băsescu, a curi-l’i aflâ câbati că adrâ un crat poliţienescu. Apândisindalui, liderl’ii PD-L spun că, maca suntu pi dauâ tu aţea ţi mutreaşti apofasili ali Justiţie, PSD l’i-aprindu bânâtorl’i contra a instituţiilor a cratlui. Tu arada-l’i, jurnalu GÂNDUL s’ntreabă, retoric, „ţi altâ vârâ, va s-hibâ spectacolu di prit căl’iuri ţi lu-gioacâ di ndauâ dzâli PSD câ maş zorea limbidâ ţi u bagâ ti procurori şi giudicâtori?” Trâ ROMÂNIA LIBERĂ, Nicolescu easti, di furn’ia a lângoaril’ei, ti adunari gaile. Ghini ma, adavgâ jurnalu, „cara stepsurli suntu ti dealihea, atumtea să-l’i da Dumidzâlu sănătati, ama ş-tribunalu pideapsa ti-l’i si cadi.” Unâ pisti alantâ, „cazlu al Constantin Nicolescu, pesedistul ţi easti câftat ta s-da giueapi ti facti di aruşfeti, fu” – nyrâpseasti EVENIMENTUL ZILEI – „cartea di turnesol pirfectă tra s-veadâ câti uruteţ ari tu fenomenlu a politizaril’ei ş-cu câti uruteţ u lândzidzâ el suţiitatea românească Textul: Bogdan Matei Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International